LAGBILETE: Jenter 14 jobbar veldig bra for tida, og får utteljing for det på kamp. (Foto: Tysnes IL)
LAGBILETE: Jenter 14 jobbar veldig bra for tida, og får utteljing for det på kamp. (Foto: Tysnes IL)

Sikra sigeren på heimebane

Laurdag var Tysnes IL sine J14-handballjenter vertar for Askøy 2 i Tysneshallen.
Publisert 19.02.2018 kl. 12.32.

Tysnesjentene kom raskt i gang, og viste vilje til å vinna kampen. Dei starta med fleire gode angrep og trygt målvaktspel. Etter kvart kom også bortelaget i gang, og stillinga var 3-3 halvvegs i fyrste omgang. Etter timeout og innspel frå trenarane fekk Tysnes eit nytt gir og overtak siste del av omgangen, som enda 9-6.

Andre omgang starta litt nølande for Tysnes, og leiinga blei henta inn til 9-9. Så kom ein god periode for Tysnes med fleire gode kontringar, og me fekk sjå supre redningar av målvakta. Ca fem minutt før slutt hadde Tysnes ei trygg leiing – 16-10. Askøy fekk inn nokre fleire mål, men Tysnes sikra sigeren med 17-15.

Det vart god laurdagsunderhaldning med servering av vått og tørt i hallen. Det blir spanade å følgja laget utover våren når ein ser kor bra jentene jobbar på trening og i kamp.


Siste saker Gå til framsida

Lokalavisene står sterkt

Landslaget for lokalaviser (LLA), organisasjonen for over 100 av lokalavisene i Norge, melder at fådagarsavisene no har eit netto opplag på drøye 331.000 eksemplar. Over 3/4 av opplaget er digitalabonnement, der lesarne får tilgang til alt innhaldet, både på nett og papir.Men samstundes som LLA sine aviser blir lesne meir og meir på digitale plattformer, står papirutgåvene seg...