AMERIKANSK COUNTRY: Lissie kjem frå låven sin i Iowa til Gjerstad arena. (Pressefoto)
AMERIKANSK COUNTRY: Lissie kjem frå låven sin i Iowa til Gjerstad arena. (Pressefoto)

Countrysongaren Lissie frå USA og countrynorske Gunslingers vil til Tysnesfest

Det strøymer på med artistnamn til årets Tysnesfest. No er det klart at torsdag 12. juli blir det country for alle penga på Gjerstad arena når både amerikanske Lissie kjem, og Gunslingers frå Tørvikbygd kjem tilbake også i år.
Publisert 21.02.2018 kl. 20.29.

35 år gamle Lissie, som eigentleg heiter Elisabeth Corrin Maurus, bur på ein 40 mål stor farm i Iowa, der ho har studio i låven. Ho skriv all musikken sjølv, og har blitt populær her i landet etter fleire besøk. Mellom anna var ho gjesteartist då a-ha spela inn sitt akustiske album «MTV Unplugged».

Tysnesfest skriv i ei pressemelding at countrysongaren sine største hits er «Blood & Muscle», «Go your own way», When I’m alone» og Everywhere I go».


Lokal country

I fjor var var Gunslingers i Bermudateltet. Der gjorde gutane frå Tørvikbygd stor suksess, mellom anna med «Viagra, biff og bernaisesaus». Tysnesfest var ikkje i tvil om at dei måtte få det dei reknar som eitt av landets beste countryband tilbake i år, og denne gongen altså på Gjerstad arena. Gunslingers har eksistert i ti år og gjeve ut seks album. Den mest populære låten er «32-18», som på Spotify har over fire millionar strøymingar. Torsdag 12. juli blir det altså norsk og amerikansk krutrøyk og country på Gjerstad.


NORSK COUNTRY: Gunslingers kjem tilbake frå Tørvikbygd og serverer «Viagra, biff og bernaisesaus» på Gjerstad arena. (Pressefoto)
NORSK COUNTRY: Gunslingers kjem tilbake frå Tørvikbygd og serverer «Viagra, biff og bernaisesaus» på Gjerstad arena. (Pressefoto)

Siste saker Gå til framsida

Tommy stod på og lukkast

Endeleg, etter fire års innsats av fleire gode krefter, og ikkje minst Tommy Gundersen (24) sjølv, har han fått lærlingeplass og er nærast sikra jobb i framtida.

Ny vegstenging til Myrdal

Fredag var vegen til Myrdal stengt ovanfor Hagen. Vegarbeidet vart ikkje ferdig, og Tysnes kommune må halda vegen stengt også komande måndag.Det opplyser Therese Jonsgar til «Tysnes».Vegen vert stengt mellom 08 og 15 for privatbilar. Utrykkingskøyrety får passera.