HADDE FLAKS: Einar og Kari Frøyseth vart tysdag kveld lukkelege vinnarar av 1,5 millionar kroner. Programleiar Kjersti Gullvåg var jublande glad på ekteparet sine vegner. (Foto: Norsk Tipping/Innfelt: Arkivfoto)
HADDE FLAKS: Einar og Kari Frøyseth vart tysdag kveld lukkelege vinnarar av 1,5 millionar kroner. Programleiar Kjersti Gullvåg var jublande glad på ekteparet sine vegner. (Foto: Norsk Tipping/Innfelt: Arkivfoto)

Einar og Kari vann 1,5 millionar i Extra!

No kan ekteparet frå Tysnes få oppfylt feriedraumen.
Publisert 21.02.2018 kl. 10.34. Oppdatert kl. 12.28.

Som Norsk Tipping skriv, kjem nok Einar og Kari Frøyseth aldri til å gløyma den 20. februar 2018 – kvelden dei vann 1,5 millionar kroner i Extra.

– Det er jo heilt utruleg bra. Me var i utgangspunktet fornøgde med startsummen på 343.000 kroner, men dette er fantastisk. Huff a meg. Kan du gjenta summen? Me var så oppspilte at me ikkje heilt fekk det med oss, sa Einar Frøyseth til Norsk Tipping den lukkelege kvelden.

Det var Einar som kjøpte vinnarkupongen hos Joker Uggdal, og saman med kona er han blitt fersk vinnar av nøyaktig 1.543.710 kroner.

– Me plar kjøpa kvar vår Extrakupong når me veit at me kjem til å sjå trekkinga på fjernsynet, fortel Kari til «Tysnes», dagen etter den store vinnardagen.

Kvar sin kupong hadde dei også tysdag. Det hadde Einar ordna då han var innom butikken i Uggdal tidlegare på dagen.

Like før trekkinga, hadde dei seg ein liten gåtur. Då dei kom heim att, var det eit ubesvart anrop på telefonen. Då dei sjekka, var det Norsk Tipping som hadde ringt.

– Me veit at Norsk Tipping ringjer til dei som blir trekt ut som Extrakandidatar, då skjøna me at det var noko på gang, seier Kari, og smiler nøgd.

Dei følgde trekkinga frå godstolen heime, der premien steig frå inngangssummen på vel 300.000 til 1,5 millionar.

Ekteparet frå Neshamn drøymer om å reisa til Australia, og det ynskjet skulle vel no vera gode sjansar for å få oppfylt.

– Dessutan skal me på tur til Kiel til veka, då blir det oppgradering av lugaren, sa ein nøgd Einar til Norsk Tipping.

Det meste av pengane vil likevel gå til borna deira.

– Dei er i etableringsfasen, og det blir ei fin hjelp for dei.


Siste saker Gå til framsida

Uver stoppa både Hodnanes-ferja og Våge-ferja

Ferjesambandet Hodnanes-Jektevik-Nordhuglo var innstilt på grunn av verforholda fredag kveld, frå i 21-tida til 21.40. Norled melde om innstilt rute klokka 20.53. Klokka 21.35 melde selskapet at ferja kjem i gang att klokka 21.40.Klokka 21.05 melde FosenNamsos Sjø at MF «Selbjørnsfjord» har kansellert avgangane klokka 21.05 frå Halhjem og 22.15 frå Våge på grunn av verforholda.