KJEMPEHELG: Hedda Singelstad Kåsa strålar etter to flotte løp under Vestlandsmeisterskapen i skiskyting i helga. Der vart det to sølvplassar. (Foto privat)
KJEMPEHELG: Hedda Singelstad Kåsa strålar etter to flotte løp under Vestlandsmeisterskapen i skiskyting i helga. Der vart det to sølvplassar. (Foto privat)

Hedda tok to sølvmedaljar i Vestlandsmeisterskapen

Skiskyttar Hedda Singelstad Kåsa gjekk inn til to flotte sølvplassar under Vestlandsmeisterskapen på Nordfjordeid i helga.
Publisert 21.02.2018 kl. 09.15.

Laurdag var det normaldistanse som stod på programmet. Då var ho berre fem sekund bak gullmedaljen. Søndag var ho 24 sekund bak vinnaren. Gunn Kristi Stensaker Tvinnereim frå Hardbagg IL vann klasse Jenter 16 begge dagar.


Ti treff

– Det var veldig tøffe løyper under normaldistansen på laurdag og usedvanleg tungt. Særleg var ein av motbakkane veldig bratt. Me kalla han monsterbakken. Den gjekk me tre gonger, fortel Hedda, vel heimkomen etter konkurransane i helga.

Ho er likevel svært godt nøgd med løpet, både i langrennsporet og på skytingane. Ho fekk ti treff av ti mogelege.

– Eg er utruleg nøgd med skytingane. Langrennet er eg også svært godt nøgd med. Ho som vann er i norgestoppen i langrenn, fortel ei nøgd skiskyttarjente frå Vevatne.


Gjekk hardt ut

Søndag gjekk det nesten betre.

– Planen var å gå litt hardare ut i starten enn dagen før. Det gjorde eg også. Det vart bom på fyrste skotet. Men eg heldt motet ope. Eg følte meg pigg, og heldt farten bra oppe i sporet, fortel ho.

På andre skyting vart det fullt hus.

– Eg trur aldri eg har gått ein så god sisterunde som søndag. Det vart eit veldig bra løp, strålar Hedda.


Snart hovudlandsrenn

Laurdag gjekk dei seks kilometer og hadde to liggjande skytingar. To liggjande skytingar var det og på sprint-distansen søndag, men då var løypa 4,5 kilometer.

– På sprinten får ein strafferundar dersom ein bommar, på normalen får ein tillegg i tida, forklarar Hedda.

No ventar ei veke med vinterferie og trening på Beitostølen, før hovudlandsrennet i Brummunddal neste helg. Det gler ho seg storleg til.


Siste saker Gå til framsida

Uver stoppa både Hodnanes-ferja og Våge-ferja

Ferjesambandet Hodnanes-Jektevik-Nordhuglo var innstilt på grunn av verforholda fredag kveld, frå i 21-tida til 21.40. Norled melde om innstilt rute klokka 20.53. Klokka 21.35 melde selskapet at ferja kjem i gang att klokka 21.40.Klokka 21.05 melde FosenNamsos Sjø at MF «Selbjørnsfjord» har kansellert avgangane klokka 21.05 frå Halhjem og 22.15 frå Våge på grunn av verforholda.

Debatt: – Det er store hol i «dugnadsånda» på Tysnes

Eg har hatt eit «nært» forhold til det å driva eit idrettslag der dugnad var hovudinntektskjelda. Då eg var leiar i Njardar på 80- og 90-talet, hadde me problem med å finansiera den daglege drifta. Me starta «Mimrefesten». Den var i januar, og gav oss pengar til å melda på lag. Me fekk og eit «eventyr» med Brann-kampar på 90-talet, som gav gode økonomiske resultat. Me hadde åtte-ti...