ENGELSK STORBAND: The Prodigy skal spela på Tysnesfest fredag 13. juli. (pressefoto)
ENGELSK STORBAND: The Prodigy skal spela på Tysnesfest fredag 13. juli. (pressefoto)

Engelske Prodigy blir stort trekkplaster på Tysnesfest

– Å booka The Prodigy er kanskje noko av det råaste me har gjort hittil i Tysnesfest si historie, seier dagleg leiar Øystein Vaage.
Publisert 23.02.2018 kl. 06.00.

Det engelske stor-bandet blir nemleg eit av høgdepunkta på Tysnesfest til sommaren. The Prodigy går på scenen på Gjerstad Arena fredag 13. juli.

– Me er sikre på at både dagens ungdom, og kanskje ikkje minst dei som var ungdomar på nittitalet, vil gå mann av huse for å skaffa seg billettar, legg Vaage til.


Pionerar

The Prodigy vart rekna som pionerar innan elektronisk musikk. Gruppa etablerte seg i Braintree i Essex i 1990, og var eit av dei store namna i ravepartytida.

Saman med The Chemical Brothers og Fatboy Slim var The Prodigy eit av dei meste trendsetjande banda på 90-talet, med ein særeigen miks av punk og tekno.


Heftigaste hittil

– The Prodigy er absolutt noko av det feitaste ein kan oppleva, og lyd- og lysproduksjonen blir den heftigste me har sett på Tysnesfest hittil, seier Vaage.

Dei mest kjende låtane deira er «Firestarter», «Breathe» og «Smack my bitch up» som alle har nærare 40 millionar strøymingar på Spotify. Både «Breathe» og «Firestarter» har toppa norske hitlister.


Siste saker Gå til framsida