VED TYSNESHALLEN: Kunstnaren Vidar Bratlund-Mæland har laga utkast til bronseskulpturen av Johannes Heggland, ein skulptur som er tenkt plassert ved Tysneshallen i samband med Heggland sitt hundreårsjubileum i 2019.
VED TYSNESHALLEN: Kunstnaren Vidar Bratlund-Mæland har laga utkast til bronseskulpturen av Johannes Heggland, ein skulptur som er tenkt plassert ved Tysneshallen i samband med Heggland sitt hundreårsjubileum i 2019.

Kommunen søkjer om meir midlar til statue

Publisert 25.02.2018 kl. 09.00.

I samband med Johannes Heggland sitt 100-årsjubileum til neste år ynskjer Tysnes kommune å føra opp ein statue av forfattaren. Tysnes Kraftlag tildelte 150.000 kroner til føremålet i 2017, noko som utgjer ein tredjedel av samla kostnadar til statue, montering og til sokkel i granitt.

I tildelingsskrivet frå Tysnes Kraftlag vart kommunen rådd til å søkja om meir midlar i år eventuelt til neste år om det skulle vera behov for det, og det har dei no gjort.

«Tysnes kommune søkjer med dette, på vegner av jubileumskomiteen, om eit ytterlegare tilskot på kr 150.000 til utforming av ein heilskulptur av Johannes Heggland. Sjølv om kommunen vil stå som formell eigar av statuen, ser me på dette som ei viktig og varig gåve frå Tysnes Kraftlag til Tysnessamfunnet» skriv rådmann Steinar Dalland til kraftlaget.


Siste saker Gå til framsida

Stormen er her: Tre over vegen i Uggdal

SISTE: Fleire trevelt på Tysnes seint onsdag kveld. Eit trevelt stengjer vegen Uggdal-Onarheim i 21.15-tida.Tidlegare onsdag kveld sperra eit stort tre fylkesvegen nederst i Uggdalsdalen.

Onsdag kveld: Våge-Halhjem innstilt

Grunna kraftig vind er MF Selbjørnsfjord innstilt frå og med 20.25-avgangen frå Våge. Dette melder FosenNamsons Sjø i ei trafikkmelding onsdag kveld. Det er førebels ikkje meldt om at stormen skapar trøbbel på Hodnanes-Jektevik-sambandet.