NYE TAKSTAR: Fjord1 og Norled er blant dei første som no tek betaling for elbilar på det statlege vegnettet. Frå 1. mars må elbilsjåførane betala halv takst på Halhjem-Sandvikvåg. (Arkivfoto)
NYE TAKSTAR: Fjord1 og Norled er blant dei første som no tek betaling for elbilar på det statlege vegnettet. Frå 1. mars må elbilsjåførane betala halv takst på Halhjem-Sandvikvåg. (Arkivfoto)

Innfører elbil-betaling på fleire ferjesamband

Frå 1. mars blir det ikkje lenger gratis for elbilsjåførane å reisa med dei største ferjene på Vestlandet.
Publisert 27.02.2018 kl. 09.25.

Fjord1 og Norled vil då kreva halv takst for elbilar på fylgjande ferjesamband:

Halhjem-Sandvikvåg (Hordaland)

Alle Fjord1-sambanda i Sogn og Fjordane, samt Oppedal-Lavik

Arsvågen-Mortavika (Rogaland)

Molde-Vestnes, Festøya-Solavågen, Halsa-Kanestraumen og Volda-Folkestad (Møre og Romsdal)

Det var Stord24 som fyrst omtala saka.

Fjord1 opplyser på nettsidene sine at det ved bruk av verdikort vil bli gitt 50 prosent rabatt i tillegg. Totalt betalar ein då 25 prosent av ordinær køyretøypris når ein brukar verdikort.

Det er over to år sidan Hordaland fylkeskommune fjerna betalingsfritaket for elbilar på ferjene i fylket. På tysnessambanda Halhjem-Våge og Hodnanes-Nordhuglo-Jektevik betalar ein allereie halv takst for elbil.


Siste saker Gå til framsida

Kors, vaflar og fotball-VM på Solstråleøya

– Det var ein nydeleg vêrdag, med fin temperatur. Me fekk flott skyss frå Våge i Mor Di, skøyta til Patrick Madsen.Dette seier Hans Ole Dalland, om friluftsgudstenesta på Solstråleøya søndag.Vidare kan han fortelja at nokre av deltakarane kom roande frå Lunde – og nokre kom verkeleg langvegsfrå:– Eit ektepar frå Minnesota var på Tysnesferie, og fekk oppleva den flotte...

Sluttar som drosjesjåfør

– Eg har tenkt lenge på dette, fortel Elin Borgen.Det er ikkje vanskeleg å skjøna at dei fleste kjenner den sympatiske drosjesjåføren. Over halvparten av bilistane som passerer, vinkar til Borgen, i det ho møter «Tysnes» langs vegen i Uggdal.