KLAR FERDIG GÅ: Feriegjest på Tysnes, Sofus Hole Eikenes (7) på startstreken, på det fyrste skirennet sitt nokon gong.
KLAR FERDIG GÅ: Feriegjest på Tysnes, Sofus Hole Eikenes (7) på startstreken, på det fyrste skirennet sitt nokon gong.

Gjekk sitt fyrste skirenn

– Det var veldig gøy. Det seier Sofus Hole Eikenes som søndag gjekk det fyrste skirennet nokosinne med startnummer på brystet.
Publisert 28.02.2018 kl. 13.13.

Den siste tida har Sofus følgt med på fjernsynsskjermen korleis det har gått med dei norske skiløparane i OL. Difor var han ekstra tent for å få prøva seg sjølv i løypene i Solheimsdalen.


Gav meirsmak

– Løypene var fine og motbakken gjekk greit, seier han smilande.

Etter målgang vanka det medalje rundt halsen frå arrangøren, både til Sofus og alle dei andre deltakarane under ti år.

– Dette var veldig gøy. Ja, det gav meirsmak til å vera med på fleire skirenn, seier han nøgd.Og etterpå kosa han seg attmed bålpanna på skistadion. Frå sekken til mamma Janniche vanka det både pølse og brød til den unge skiløparen.– Det er gøy å gå på ski på Tysnes i vinterferien, seier Sofus.


Ferieplass i Lunde

Til vanleg bur han og familien i Bergen. Denne veka er det vinterferie, ein ferie dei skal nyta på Tysnes. Familien har ferieplass i Lunde.

Mamma Janniche Hole har feriert på Tysnes frå barndomen av, og vakse opp med hytte på Nymark. Derifrå har ho hatt mange fine turopplevingar til Hovlandsnuten og Vasstøl. I fjor fekk ho også mange nye turoppleving gjennom den nye tur-appen.

Men det er fyrste gongen dei er på skirenn i Solheimsdalen.

– Stadion og lysløypa er eit veldig flott anlegg, skryt ho.

Det er ikkje fyrste gongen dei er på helgetur til Tysnes og Solheimsdalen i vinter.


Kanskje til Såto

– Me har hatt nokre eventyrleg flotte opplevingar med fint skiføre i vinter, strålar mamma.

No håpar ho og familien på fint turver og fleire fine utfartsdagar til Tysnesfjella.

– Å ha vinterferie på Tysnes og kunna gå på ski frå Solheimsdalen, er veldig flott. Eg håpar me me også får oss ein tur til Såto på ski. I så fall vert det fyrste gongen, seier ho.


Siste saker Gå til framsida

Uver stoppa både Hodnanes-ferja og Våge-ferja

Ferjesambandet Hodnanes-Jektevik-Nordhuglo var innstilt på grunn av verforholda fredag kveld, frå i 21-tida til 21.40. Norled melde om innstilt rute klokka 20.53. Klokka 21.35 melde selskapet at ferja kjem i gang att klokka 21.40.Klokka 21.05 melde FosenNamsos Sjø at MF «Selbjørnsfjord» har kansellert avgangane klokka 21.05 frå Halhjem og 22.15 frå Våge på grunn av verforholda.

Debatt: – Det er store hol i «dugnadsånda» på Tysnes

Eg har hatt eit «nært» forhold til det å driva eit idrettslag der dugnad var hovudinntektskjelda. Då eg var leiar i Njardar på 80- og 90-talet, hadde me problem med å finansiera den daglege drifta. Me starta «Mimrefesten». Den var i januar, og gav oss pengar til å melda på lag. Me fekk og eit «eventyr» med Brann-kampar på 90-talet, som gav gode økonomiske resultat. Me hadde åtte-ti...