GØY AKTIVITET: På sitt grøne akebrett fekk Emilie Lunde god fart ned akebakken. (Alle foto: Camilla Korsnes)
GØY AKTIVITET: På sitt grøne akebrett fekk Emilie Lunde god fart ned akebakken. (Alle foto: Camilla Korsnes)

Freste av garde på fargerike brett

Kvar tysdag plar Lunde barnehage ha turdag der dei er ute heile dagen. Denne tysdagen var det aking i Øvra Lunde som stod på planen.
Publisert 01.03.2018 kl. 15.00.

Sju spente born hadde tatt med seg kvar sine fargerike akebrett ut i snøen, klare for å aka ned den lange bakken.


Strålande sol

Det var ikkje noko å klaga over tysdag føremiddag, då sola stråla over himmelen og bakken var dekka med snø.

– Borna har lenge snakka om akedagen, og dei synest det er svært kjekt å kunna ta med seg sine eigne akebrett. I tillegg er det fantastisk med ein slik plass i nærleiken av barnehagen, sa Mailinn Helland Hagen.

Det er andre gongen i år dei har akedag. I barnehagen har borna ein haug som dei plar aka på når det er snø, men det var likevel stor stas å kunna prøva seg på den store bakken.


Nøgde born

Første mann ut til å kvalitetssikra bakken var Magnus Hauge.

– Dette var gøy!

Etter at akebakken var godkjent, aka dei andre borna ned den lange bakken i eit høgt tempo. Her var det utprøving av både sine eigne akebrett og andre sine.

– Pass opp her kjem eg, kom det frå borna.Etter mange rundar i bakken, tok dei seg ein pause på ein steinhaug og leika saman.


Brukar fantasien

Det var ikkje berre akinga som var kjekt, ungane både leika og rulla ned bakken i full fart. Her gjald det å bruka fantasien.

– Eg synest det er fint å slappa av og kosa meg i snøen, sa Emma Van Duin.

Seinare på dagen var det grilling på bålpanne og kakao som stod på planen. I tillegg hadde dei varma opp lavvoen slik at ein kunne varma seg dersom ein vart kald. Borna gleda seg stort til pølser og kakao, og såg ut til å storkosa seg ute i snøen. Den solfylte dagen blei ein suksess for borna i Lunde barnehage.




LEIK I SNØEN: Aleksander G. Flatråker syntest det var moro å kasta snø opp i lufta.
LEIK I SNØEN: Aleksander G. Flatråker syntest det var moro å kasta snø opp i lufta.
MANGE TURAR: Tomine Hagen var blant dei ivirigaste borna i akebakken.
MANGE TURAR: Tomine Hagen var blant dei ivirigaste borna i akebakken.
TØFFE GUTAR: Kameratane Magnus Hauge (fremst) og Aleksander G. Flatråker i fint driv.
TØFFE GUTAR: Kameratane Magnus Hauge (fremst) og Aleksander G. Flatråker i fint driv.
LITT STARTHJELP: Mailinn Helland Hagen hjelper Lilly Hustad på riktig kurs ned den store akebakken.
LITT STARTHJELP: Mailinn Helland Hagen hjelper Lilly Hustad på riktig kurs ned den store akebakken.
I SOLA: Frå venstre ser me Emma Van Duin, Emilie Lunde, Aleksander G. Flatråker, Anja Totlandsdal, Tomine Hagen, Magnus Hauge, Mailinn Helland Hagen og Lilly Hustad.
I SOLA: Frå venstre ser me Emma Van Duin, Emilie Lunde, Aleksander G. Flatråker, Anja Totlandsdal, Tomine Hagen, Magnus Hauge, Mailinn Helland Hagen og Lilly Hustad.
FULL FART: Fotografen måtte ha rask lukkartid på kameraet då Mailinn Helland Hagen og Lilly Hustad aka i lag.
FULL FART: Fotografen måtte ha rask lukkartid på kameraet då Mailinn Helland Hagen og Lilly Hustad aka i lag.

Siste saker Gå til framsida

Sluttar som drosjesjåfør

– Eg har tenkt lenge på dette, fortel Elin Borgen.Det er ikkje vanskeleg å skjøna at dei fleste kjenner den sympatiske drosjesjåføren. Over halvparten av bilistane som passerer, vinkar til Borgen, i det ho møter «Tysnes» langs vegen i Uggdal.

Knuste Bergen Allfot

Søndag drog Njardar sitt a-lag i land ein overtydande 7-0-siger på bortebane, og det trass mange forfall.