FAR OG SON: Her jobbar Harald Heie (t.v.) og John Helge Heie med å leggja nytt golv. (Foto: Privat)
FAR OG SON: Her jobbar Harald Heie (t.v.) og John Helge Heie med å leggja nytt golv. (Foto: Privat)

Har friska opp Jensvoll bedehus

I fjor vart folk oppmoda om å gje økonomisk støtte til oppussing av bedehuset på Jensvoll. No er arbeidet ferdig, og tilbakemeldingane gode.
Publisert 05.03.2018 kl. 12.52. Oppdatert kl. 12.56.

– Frå folk som er innom, får me stadig høyra at «dette var fint», seier Harald Heie, formann i bedehusstyret.

Arbeidet har i hovudsak omfatta nytt tak og nytt golv i kjellarstova. Ein del elektrisk måtte også fornyast.

– Litt målingsarbeid og nye gardiner gjer at heile kjellarstova no verkeleg har vorte fornya, fortel Heie nøgd.

Fleire har stilt opp og gjort dugnad gong etter gong, slik at arbeidet kom litt rimelegare ut enn budsjettert.

Les også: Ber om pengar til oppussing på Jensvoll

– Styret ynskjer no å takka alle som har støtta opp økonomisk. Det same gjeld også dei som har utført dugnad på ein framifrå måte. Me merkar auka interesse for utleige, men vonar også i større grad å nytta lokalet til eige bruk.

Laurdag vert det invitert til bollebasar på Jensvoll, med utlodding til inntekt for bedehuset.



FLINKE KARAR: F.v. Rune Andreas Høviskeland, Håkon Iver Høviskeland og Åsmund Eide er blant dei som har jobba dugnad for bedehuset.  (Foto: Privat)
FLINKE KARAR: F.v. Rune Andreas Høviskeland, Håkon Iver Høviskeland og Åsmund Eide er blant dei som har jobba dugnad for bedehuset. (Foto: Privat)
SAMARBEIDER: Svein Kåre Høviskeland og Håkon Iver Høviskeland diskuterer neste trekk i oppussinga. (Foto: Privat)
SAMARBEIDER: Svein Kåre Høviskeland og Håkon Iver Høviskeland diskuterer neste trekk i oppussinga. (Foto: Privat)

Siste saker Gå til framsida

Leiar: Ja til lokal utdanningsmesse

I ei rekkje år hadde Tysnes si eiga yrkes- og utdanningsmesse. No tek lokalpolitikar og Sp-representant Inge Malkenes til orde for at Tysnes på ny bør få ei lokal utdanningsmesse. Det er eit veldig bra, og ikkje minst viktig initiativ.Det er over fem år sidan det sist vart skipa til ei lokal yrkes- og...

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.