PÅ OS: Oseana er staden for «Bjørnefjorden Turisme» sitt oppstartsmøte komande tysdag. Her frå Det Store Bjørnefjordmåltidet i fjor haust. (Arkivfoto)
PÅ OS: Oseana er staden for «Bjørnefjorden Turisme» sitt oppstartsmøte komande tysdag. Her frå Det Store Bjørnefjordmåltidet i fjor haust. (Arkivfoto)

«Bjørnefjorden Turisme» skal samla næringa

Alle som representerer ei oppleving, ein attraksjon eller ein destinasjon i bjørnefjordsregionen er tysdag velkomne til ei samling i Oseana på Os.
Publisert 06.03.2018 kl. 13.26. Oppdatert kl. 13.51.

– Fleire aktørar har meldt om at dei ynskjer å samla næringa, løfta fram turisme i regionen vår, og gjera attraksjonar og opplevingane hos oss meir kjende og lettare tilgjengeleg for tilreisande frå fjern og nær, skriv næringssjef i Os, Daniel Skotheim, i ein open invitasjon til turistnæringa.

Han meiner ein må tenkja stort om turismen, og ser det som viktig å spela saman på tvers av kommunegrensar. Prosjektet har fått namnet «Bjørnefjorden Turisme», etter modell frå «Bjørnefjorden Matkulktur».

Saman med Hans Parnefält frå Os Travel, vil næringssjefen på oppstartsmøtet presentera forslag til korleis ein kan få i gang, og mobilisera eit eventuelt samarbeid.

– Ta turen til Oseana 13. mars og ver med å gje turistnæringa i regionen vår eit løft, er oppmodinga hans.


Siste saker Gå til framsida

Forventar ein kjekk konsert

– Julekonserten er ein årleg tradisjon. Onarheim Musikklag har hatt den så lenge eg har spelt med dei, for å seia det sånn, fortel Magne Storesætre.