UGGDAL: Lekkasjen oppstod i den eldste delen av sjukeheimen, der det ikkje bur folk. (Arkivfoto: Camilla Korsnes)
UGGDAL: Lekkasjen oppstod i den eldste delen av sjukeheimen, der det ikkje bur folk. (Arkivfoto: Camilla Korsnes)

Rykte ut til vasslekkasje

Laurdag rykte brannvesenet ut til ein automatisk brannalarm på den gamle sjukeheimen i Uggdal.
Publisert 06.03.2018 kl. 07.40. Oppdatert kl. 09.14.

– Det lek noko i ein vassleidning, seier brannsjef Torfinn Kongsvik.

Kuldeperioden i det siste gjorde at eit trykkvassrøyr var blitt øydelagt.

– Me stengte av vatnet i bygget, og sette på tørkevifter. Det var ikkje så mykje vatn at me måtte pumpa, seier Kongsvik.

Når vêret blir mildare, må teknisk drift hos kommunen ta tak i saka, og ein røyrleggjar skal reparera det skadde røyret.

Lekkasjen oppstod i den eldste delen. Dei som bur på sjukeheimen er busett i den nye delen, opplyser Kongsvik.

Sjukeheimen er framleis kopla opp med automatisk alarm til brannvesenet, noko som gjorde at vasslekkasjen blei raskt oppdaga.


Siste saker Gå til framsida

Leiar: Ja til lokal utdanningsmesse

I ei rekkje år hadde Tysnes si eiga yrkes- og utdanningsmesse. No tek lokalpolitikar og Sp-representant Inge Malkenes til orde for at Tysnes på ny bør få ei lokal utdanningsmesse. Det er eit veldig bra, og ikkje minst viktig initiativ.Det er over fem år sidan det sist vart skipa til ei lokal yrkes- og...

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.