NY HØYRING: To nye alternativ for brukryssing over Bjørnafjorden er fredag 9. mars lagt ut på offentleg høyring, med høyringsfrist 30. april.
NY HØYRING: To nye alternativ for brukryssing over Bjørnafjorden er fredag 9. mars lagt ut på offentleg høyring, med høyringsfrist 30. april.

Bjørnafjordbrua ut på ny høyring

Kommunal- og moderniseringsdepartementet har i dag, fredag, vedteke å leggja to nye alternativ for brukryssing av Bjørnafjorden til offentleg ettersyn og høyring. Det inneber også ei planendring nord på Reksteren.
Publisert 09.03.2018 kl. 14.29. Oppdatert kl. 14.46.

Vedtaket om å leggja delar av kommuneplanen for E39 Stord-Os ut på ny høyring er i samsvar med tilrådinga frå Statens vegvesen.

Kommunedelplanen med konsekvensutgreiing for E39 Stord–Os har tidlegare lagt ute til offentleg ettersyn i tidsrommet 22.11.2016 – 20.01.2017.

I etterkant har Statens vegvesen utgreidd to nye alternativ for bru over Bjørnafjorden.

– Me legg difor ut ein avgrensa del av planen, strekninga Gjøvåg på Reksteren til Svegatjørn i Os, på tilleggshøyring, opplyser prosjektleiar Signe Eikenes.

Planforslag med tilleggsutgreiing er tilgjengeleg på sida Tilleggshøyring av planforslag.

Høringsuttalar til brualternativa vil, saman med høyringsuttalane som allereie er gitt ved den ordinære høyringa, gje grunnlag for Statens vegvesen sitt endelege planforslag for heile planstrekninga mellom Stord og Os.

Høyringsfristen er sett til 30. april.


Siste saker Gå til framsida

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.