GLADE: Martine Siglevik Lunde (med ryggen til) får ein inderleg klem av toppscorar Thea Sløgedal etter sigeren.
GLADE: Martine Siglevik Lunde (med ryggen til) får ein inderleg klem av toppscorar Thea Sløgedal etter sigeren.

Thea og lagveninnene fekk has på Lindås til slutt

Det var duka for ein spanande match då Tysnes sine 5. divisjonsdamer tok imot Lindås på heimebane laurdag. Kampen enda 25-21.
Publisert 11.03.2018 kl. 10.56. Oppdatert kl. 10.59.

Tysnesdamene byrja med ei fin 2-0-leiing etter mål frå Martine Siglevik Lunde og Kristin van der Meeren, men allereie etter fem speleminutt hadde gjestene utlikna til 2-2.

Før kampen låg Tysnes og Lindås med like mange poeng på tabellen, og heimelaget møtte på vesentleg meir motstand her enn då dei nyleg vann 30-12 mot botnlaget Salhus.


Jamt på måltavla

Lindås hadde berre ein innbytar, men såg ut til å klara seg greitt med det. Dei hadde fleire høge og sterke spelarar, og desse «bulldosarane» var ikkje alltid så enkle å hamla opp med, verken i forsvar eller angrep. Det blei ein fysisk tøff kamp med fleire utvisingar hos begge lag.

Tysnes og Lindås følgde kvarandre tett fram mot pause, og stillinga var 10-10 då det var tid for ein prat i garderoben.

2. omgang opna med mål frå Celine Vevatne Lunde frå strek, men utlikninga kom snart. Etterkvart greidde likevel Tysnes å få til eit lite forsprang, og då det stod ti minutt att av kampen, var stillinga blitt 18-15.


Sikra to nye poeng

Kampen var prega av litt for mange bomskot frå Tysnes, men ting stemte litt meir mot slutten. Då Lindås etter kvart såg at dei hadde for dårleg tid til å klara å nå heimelaget igjen, vart dei meir passive i forsvar, og fekk mange mål imot seg. Thea Sløgedal vart den store toppscoraren med 13 mål.

Nok ein siger var i boks for tysnesdamene, som jubla og klemte kvarandre etter at dommaren bles av til sluttresultatet 25-21.

– Det byrja svakt i forsvar men tok seg opp etterkvart. Kjempeinnsats av jentene, var kommentaren frå trenar Sveinung Halvorsen.

No gjenstår det fire kampar før sesongen er ferdig, og alle er på heimebane. Neste søndag skal dei til pers mot andreplasshaldar Løv-Ham.

Tysnes ligg framleis på 3. plass.


Desse var med:

Lea Sofie Trondsen Dalland, Kristin van der Meeren (4), Signe Pettersen Opdal, Celine Vevatne Lunde (1), Maria Lillesletten Hagen, Linn Bergesen (2), Karoline Helland, Eline Teigland Bakke, Thea Sløgedal (13), Sara Reimdal Vee (2), Martine Siglevik Lunde (2), Norunn Ebbesvik, Julie Bakke og Lene Rønning Sævartveit (1).


TØFFE TAK: Her får Linn Bergesen kjenna på Lindås sine krefter.
TØFFE TAK: Her får Linn Bergesen kjenna på Lindås sine krefter.
PÅ STREK: Konsentrerte Lindås-spelarar passar godt på Norunn Ebbesvik.
PÅ STREK: Konsentrerte Lindås-spelarar passar godt på Norunn Ebbesvik.

Siste saker Gå til framsida

Stormen er her: Tre over vegen i Uggdal

SISTE: Fleire trevelt på Tysnes seint onsdag kveld. Eit trevelt stengjer vegen Uggdal-Onarheim i 21.15-tida.Tidlegare onsdag kveld sperra eit stort tre fylkesvegen nederst i Uggdalsdalen.

Onsdag kveld: Våge-Halhjem innstilt

Grunna kraftig vind er MF Selbjørnsfjord innstilt frå og med 20.25-avgangen frå Våge. Dette melder FosenNamsons Sjø i ei trafikkmelding onsdag kveld. Det er førebels ikkje meldt om at stormen skapar trøbbel på Hodnanes-Jektevik-sambandet.