FULL FART: Julia Rose Bautista Søreide prøver å få tak i ballen. 8. klassingen scora fire mål i kampen mot Fana 2 på laurdag.
FULL FART: Julia Rose Bautista Søreide prøver å få tak i ballen. 8. klassingen scora fire mål i kampen mot Fana 2 på laurdag.

Sigeren glapp for Jenter 14

Det såg lenge ut til at tysnesjentene skulle dra sigeren i land, men til slutt måtte dei sjå seg slått av Fana med eitt mål.
Publisert 12.03.2018 kl. 13.27.

Laurdag var det kamp mellom Tysnes IL sitt Jenter 14-lag og Fana 2. Eit motivert og smilande heimelag produserte mange mål frå fyrste stund, og etter ti minutt var stillinga blitt 6-2.

Fana tok innpå fram mot pausen, men greidde ikkje å utlikna. Til kvilen stod det 10-8 på måltavla.


Nervepirrande slutt

2. omgang vart i overkant spennande for både spelarane og dei som såg på. Stillinga var 11-11 då det var ti minutt igjen, og jentene på tysneslaget stressa litt for mykje no. Hadde forsvarsspelet vore betre, ville det blitt siger til Tysnes, men Fana kom litt for lett til gode målsjansar.

– Ut på dei! ropa trenarane gjentekne gonger.

På tampen av kampen var stillinga 14-14, og eitt mål til Tysnes var alt som skulle til. Jentene kjempa på, men då Fana scora på straffe kring 15 sekund før dommaren bles av kampen, var slaget dessverre tapt.

Stillinga vart dermed 14-15 i Fana sin favør.


Desse var med:

Emma Marie Elgsås (1), Malin Dalland, Annica Reimdal Vee (4), Anette Christensen, Maren Jensen Nes (2), Marita Fagerbakk Lunde (1), Julia Rose Bautista Søreide (4), Synne Malkenes og Mia Jensen Nes (2).


SPRETTEN: Marita Fagerbakk Lunde med luftig og fint målforsøk.
SPRETTEN: Marita Fagerbakk Lunde med luftig og fint målforsøk.
KEEPEREN SCORA: Tysneskeeper Emma Marie Elgsås var framme og scora på straffe i 2. omgang.
KEEPEREN SCORA: Tysneskeeper Emma Marie Elgsås var framme og scora på straffe i 2. omgang.

Siste saker Gå til framsida

Leiar: Ja til lokal utdanningsmesse

I ei rekkje år hadde Tysnes si eiga yrkes- og utdanningsmesse. No tek lokalpolitikar og Sp-representant Inge Malkenes til orde for at Tysnes på ny bør få ei lokal utdanningsmesse. Det er eit veldig bra, og ikkje minst viktig initiativ.Det er over fem år sidan det sist vart skipa til ei lokal yrkes- og...

Saltebil utfor på glatta

Ein saltebil ute på oppdrag for å salta hamna utfor vegen ved Flakkavåg i sju-halv åtte-tida måndag morgon.