GLATT FØRE: Føraren av bilen har hatt flaks, seier politiet. (Illustrasjonsfoto: Ingunn Gjærde)
GLATT FØRE: Føraren av bilen har hatt flaks, seier politiet. (Illustrasjonsfoto: Ingunn Gjærde)

Bil rulla utfor vegen, stansa i eit tre

Måndag føremiddag hamna ein bil i grøfta i Baldersheim i Fusa.
Publisert 12.03.2018 kl. 10.23. Oppdatert kl. 14.59.

– Han har hatt litt flaks i uflaksen, seier vakthavande patrulje ved Fusa lensmannskontor.

Ein mann i 30-åra køyrde utfor vegen i ein sving i Baldersheim.

– Bilen låg cirka fem meter frå vegen, og blei halden oppe av eit tre, fortel politibetjenten ved Kvam, Fusa og Tysnes tenesteeining.

Hadde ikkje bilen stansa i treet kunne ulukka sett verre ut. Både mannen i 30-åra og dei to hundane kom frå ulukka utan skadar.

Det var glatt på ulukkesstaden, og bilen blir sannsynlegvis kondemnert, då han hadde betydelege skadar.

Vest politidistrikt melde i frå om hendinga i 9-tida måndag føremiddag.

Klokka 9.50 melde politiet at dei var på staden, saman med dei andre naudetatane.

Bilen låg då utanfor vegen, og var ikkje til hinder for trafikken.

I 11-tida var bilen henta opp av bilbergar. Politiet melde då at dei var ferdige på staden, og at det blir oppretta sak mot føraren.

– Det er ikkje tatt beslag i førarkort, fortel vakthavande politipatrulje.

– Mistenker de stor fart?

– Det er det for tidleg å seia noko om, men det var svært glatt i ulukkesområdet.


Siste saker Gå til framsida

Lokalavisene står sterkt

Landslaget for lokalaviser (LLA), organisasjonen for over 100 av lokalavisene i Norge, melder at fådagarsavisene no har eit netto opplag på drøye 331.000 eksemplar. Over 3/4 av opplaget er digitalabonnement, der lesarne får tilgang til alt innhaldet, både på nett og papir.Men samstundes som LLA sine aviser blir lesne meir og meir på digitale plattformer, står papirutgåvene seg...