PRESTISJEDUELL: Kjartan Hagen (t.v.) trekte det lengste strået i duellen mot Torstein Fjeldet Lunde.
PRESTISJEDUELL: Kjartan Hagen (t.v.) trekte det lengste strået i duellen mot Torstein Fjeldet Lunde.

Vekte konkurranseinstinktet

Det blei ein perfekt skeisedag på Fiskevatnet, då Lundegrend idrettslag inviterte til pølser og skeiseløp, søndag ettermiddag.
Publisert 19.03.2018 kl. 16.22. Oppdatert 20.03.2018 kl. 11.12.

Eigentleg var skeiseløpet mest tenkt for borna, men då Torstein Fjeldet Lunde og Kjartan Hagen blei utfordra til å delta, let dei ikkje sjansen gå i frå seg.

– Klar, ferdig, gå, ropte Ronny Hagen, som heldt full kontroll på startklare små og store skeiseløparar.

Etter ein jamn start fekk Kjartan nokre meter leiing. Torstein klarte aldri å tetta luka, og det blei Kjartan som stakk av med sigeren i prestisjeduellen.


Gamle og nye kunster

– Du går jo på lengdeløpskeiser, braut ein av dei yngste deltakarane ut, og peikte på skeisene til Kjartan.

Dette måtte vera litt urettferdig, meinte borna då Kjartan og Torstein kom i mål.

Engasjementet var det lite å seia på. Både store og små blei heia fram på den vesle banen, og for dei yngste venta premie etter vel gjennomført runde.

– Takk, sa ein tydeleg stolt Jimmy Bakke (6), i det han fekk medaljen rundt halsen.

John Hagen hadde fått det ærefulle oppdraget med å dela ut premiar. Før helga hadde han vore ute og målt at isen var trygg.

– Me målte nesten 15 centimeter på det tjukkaste, forsikrar han.


Ivrige born

Kanskje er eit av borna som fekk medalje, den neste Sverre Lunde Pedersen?

Verdsstjerna, som har ei mor frå Lunde, hadde heilt sikkert likt å sjå skeisegleda som kom fram denne flotte søndagen.

Nokre hadde børsta støv av langdeløpskeisene, men det var mest hockeyskeiser å sjå på Fiskevatnet.

– Å få god fart er det kjekkaste, sa Anna Olea Fjeldet Sunde (11).

Men ho hadde ikkje noko imot å følgja broren Sjur (4) trygt gjennom skeiseløpet, i eit litt rolegare tempo.


Pølser til alle

– Det er kjekt å gi litt tilbake, ved å ha slike arrangement, sa Mailinn Helland Hagen, leiar i Lundegrend idrettslag.

Då Fiskevatnet fekk tjukk nok is, var dei raske med å invitera til grilling og kos på skeiseisen.

Folk såg ut til å setja pris på initiativet, og over 50 personar hadde møtt opp på Fiskevatnet i Lunde.




MEDALJEFANGST: Det var ingen tvil om at det var stas å få medalje rundt halsen. John Hagen deler ut ein velfortent medalje til Jimmy Bakke (6).
MEDALJEFANGST: Det var ingen tvil om at det var stas å få medalje rundt halsen. John Hagen deler ut ein velfortent medalje til Jimmy Bakke (6).
FOLKSAMT: Skeiseglade store og små hadde møtt opp i hopetal på Fiskevatnet søndag ettermiddag.
FOLKSAMT: Skeiseglade store og små hadde møtt opp i hopetal på Fiskevatnet søndag ettermiddag.
STØDIG: Seks år gamle Jenny Hustad hadde full kontroll på dei glatte skeisene.
STØDIG: Seks år gamle Jenny Hustad hadde full kontroll på dei glatte skeisene.
ARRANGERER: Mailinn Helland Hagen, leiar i Lundegrend idrettslag, hadde kjøpt inn 70 pølser å ha på grillen.
ARRANGERER: Mailinn Helland Hagen, leiar i Lundegrend idrettslag, hadde kjøpt inn 70 pølser å ha på grillen.
SKEISEGLEDE: Andrea Skår Hagen (t.h.) gir Tomine Helland Hagen ei støttande hand gjennom svingen.
SKEISEGLEDE: Andrea Skår Hagen (t.h.) gir Tomine Helland Hagen ei støttande hand gjennom svingen.
TØFF KONKURRANSE: Lucas Flatråker Tønnessen (9) gir full gass mot mål.
TØFF KONKURRANSE: Lucas Flatråker Tønnessen (9) gir full gass mot mål.

Siste saker Gå til framsida

– Eg trudde eg skulle spy

Sterke kjensler har vore i sving på Tysnes skule i dag. Der har nemleg elevane i 10. klasse hatt sin aller siste eksamen på grunnskulenivå.