AASTA HANSTEEN: Heisen går på «topside»-delen av plattforma, det vil seia på den øvste delen (over den gule sylinderen).
AASTA HANSTEEN: Heisen går på «topside»-delen av plattforma, det vil seia på den øvste delen (over den gule sylinderen).

Tysnes-teknologi på kjempeplattforma

Heis-Tek har levert heis til Aasta Hansteen.
Publisert 13.04.2018 kl. 20.45. Oppdatert 16.04.2018 kl. 11.20.

– Det er ein relativt stor heis, fortel Per Terje Tveit, avdelingsleiar for nysal i Heis-Tek.

Torsdag blei den 339 meter høge Aasta Hansteen, slept gjennom Langenuen, på veg nordover. Om bord på plattforma er det ein Tysnes-utvikla heis.

Sjølve kontraktsummen er på 25 millionar kroner.

Heisen skal brukast til å transportera varer og personar.

«Tysnes» skreiv først at heisen veg ti tonn. Det korrekte er at heisen har ei nyttelast på ti tonn. Med andre ord er heisen dimensjonert for at det skal kunna køyrast ein truck med last, med samla vekt på inntil ti tonn, inn i heisen.

– Heisstolen er faktisk så stor (2,5 meter brei og 6 meter lang) at det er plass til en rimeleg stor bil i han, forklarer Geir-Kenneth Tvedt prosjektleiar offshore i Heis-Tek.

Folk strøymde til Hodnanes for å foreviga plattforma torsdag ettermiddag.


Montert i Korea

Heis-Tek, med hovudkontor i Bergen, og avdelingskontor på Onarheim, har designa heisen i Norge.

Arbeidet med montering blei gjennomført først i Korea, og så ferdigstilt i Digernessundet, utanfor Stord.

– Det er ei god stund sidan me fekk ordren, og heisen blei produsert i 2013, fortel Tveit.


Skal nordover

Avdelingsleiaren skulle nå eit fly, og fekk ikkje med seg ferda til Aasta Hansteen gjennom Langenuen.

– Eg skulle gjerne vore der, seier Tveit.

Men mange andre tysnesingar hadde teke turen. Slepeoperasjonen er den mest omfattande på norsk sokkel på fleire tiår.

Med ein fart på 1,5 knop, har slepet gått roleg og kontrollert for seg.

Fredag kveld hadde slepet passert nord for Austevoll, og var på veg ut til feltet i Norskehavet, nordvest for Sandnessjøen.


Siste saker Gå til framsida

Tre gravferdsdagar i Tysnes

I ei rekkje år har det vore ei fast ordning i Tysnes med tysdagar og fredagar som faste gravferdsdagar.No er dette endra til tysdag, torsdag og fredag.– Bakgrunnen er at me ikkje ynskjer to gravferder på fredagar. Med to vanlege gravferder må dei som er gravarar stå overtid, og det ynskjer me ikkje fredag ettermiddag, informerte kyrkjeverje Marianne Storetvedt på møtet i...