TETT KONTAKT: Jon Olav Sandal (22) håpar konserten kan vera eit lite lysglimt i skulekvardagen. (Foto: Ingunn Gjærde)
TETT KONTAKT: Jon Olav Sandal (22) håpar konserten kan vera eit lite lysglimt i skulekvardagen. (Foto: Ingunn Gjærde)

– Eg skulle ønskja det var eit slikt tilbod då eg gjekk på skulen

Jon Olav Sandal skryter over sal og scene-valfaget ved Tysnes skule.
Publisert 13.04.2018 kl. 19.15. Oppdatert 16.04.2018 kl. 11.19.

– Det er kult at elevane er med og arrangerer konsert, seier Sandal.

Urørt-vinnaren har akkurat gått av scenen i Vonheim, og spente ungdommar ventar på å få ta selfie med artisten frå vesle Barstadvik i Ørsta kommune.

– Eg hugsar godt ungdomsskuletida. Det kan vera litt traust. Eg håpar at me kan vera eit lite lysglimt i skulekvardagen, seier han.


«Hei Erna»

Fredag ettermiddag fekk ungdomsskuleelevar, Dagsenteret og busette flyktningar høyra Jon Olav med band. – «Hei Erna», kjenner de den, spurde Jon Olav frå scenen.

– Sjølvsagt, kom det kjapt frå salen.

Artisten som har blitt kjend for å laga humoristisk og samfunnskritisk musikk, gav full gass på scenen i Vonheim.

«Hei Erna» handlar om miljøpolitikk, og ungdommane kjente godt teksten på hit-songen til Jon Olav.


Superimponert over elevane

Maria Avalos-Rønneseth, kontorleiar i Tysnesfest, har samarbeidd med elevane i 10. klasse om å arrangera konserten.

Ungdommane frå sal og scene-faget har fått vera med på heile prosessen rundt å skipa til konsert. Blant anna har dei intervjua Jon Olav.

Avalos-Rønneseth er storfornøgd med innsatsen.

– Det var heilt fantastisk. Eg er så superimponert. Dei har verkeleg skine, seier ho.


Lun stemning

Publikum såg ut til å kosa seg då 22-åringen frå Sunnmøre framførte fleire av sine største hits.

Med sitt fengjande vesen og fin pop-musikk skapte han ei flott atmosfære.

– No er det lun og god stemning her. Sett dykk ned på golvet, oppfordra Jon Olav frå scenen.

Ungdommane var ikkje vanskelege å be. Han sjølv sette seg på scenekanten, der han kunne få tett kontakt med elevane.

– Eg trivest i slike samfunnshus. Det er godt å koma seg litt bort frå byen, fortalde Jon Olav etter konserten.

Etter to konsertar på Tysnes på to dagar, har han blitt litt småforelska i øya.


Foredrag og basar

Med sin raude Blekkulf-caps underheldt Jon Olav på beste vis i Vonheim også kvelden før, då Tysnesfest sitt kickoff-arrangement gjekk av stabelen.

Her hadde det vore plass til mange fleire publikummarar, men kanskje var tysnesingane meir opptekne av det varme vårvêret og den gigantiske plattforma i Langenuen.

Dei frammøtte fekk likevel nokre fine timar i Vonheim, både med fagleg påfyll, basar, hotdog, snacks og drikke.

Dagleg leiar Øystein Vaage heldt foredrag om korleis Tysnesfest har evaluert avlysinga av Alan Walker-konserten i fjor, der erfarne frivillige vart trekt fram som ein av suksessfaktorane. Etterpå fekk ein høyra sikkerheitssjef under Sykkel-VM i Bergen, Svein Erik Malkenes, fortelja engasjert om nettopp temaet sikkerheit under store arrangement.


Tek i bruk app

Han informerte også om rapporterings- og loggsystemet Rayvn, som Tysnesfest skal ta i bruk for fyrste gong i år. I appen kan festivalleiarane enkelt senda ut beskjedar til frivillige og ulike etatar, og ein vil med det spara seg for mange ringerundar.

Malkenes har gode erfaringar med appen både frå Sykkel-VM og i Bergen Havn, der han har sitt daglege virke.

– Når det er prøvd på det største idrettsarrangementet i Norge gjennom tidene, så funkar det på Tysnesfest også, meinte han.


GOD STEMNING: Spesielt "Hei Erna" slo godt an hos det unge publikummet. (Foto: Ingunn Gjærde)
GOD STEMNING: Spesielt "Hei Erna" slo godt an hos det unge publikummet. (Foto: Ingunn Gjærde)
FOREVIGA: Maksim Vasiljev (framme t.v.) var ein av dei første i køen, som sikra seg bilete med Jon Olav og bandet etter konserten. (Foto: Ingunn Gjærde)
FOREVIGA: Maksim Vasiljev (framme t.v.) var ein av dei første i køen, som sikra seg bilete med Jon Olav og bandet etter konserten. (Foto: Ingunn Gjærde)
FAN: Andrea Skår Hagen (t.v.) storkoste seg på konsert med Jon Olav.  (Foto: Ingunn Gjærde)
FAN: Andrea Skår Hagen (t.v.) storkoste seg på konsert med Jon Olav. (Foto: Ingunn Gjærde)
FRÅ BARSTADVIK: Urørt-artisten Jon Olav Sandal leverte ein fengande konsert i Vonheim både torsdag kveld og i skuletida fredag. (Foto: Camilla Korsnes)
FRÅ BARSTADVIK: Urørt-artisten Jon Olav Sandal leverte ein fengande konsert i Vonheim både torsdag kveld og i skuletida fredag. (Foto: Camilla Korsnes)
INVITERT TIL KICKOFF: Svein Erik Malkenes delte mange erfaringar frå jobben som sikkerheitssjef under Sykkel-VM. (Foto: Camilla Korsnes)
INVITERT TIL KICKOFF: Svein Erik Malkenes delte mange erfaringar frå jobben som sikkerheitssjef under Sykkel-VM. (Foto: Camilla Korsnes)

Siste saker Gå til framsida

Tre gravferdsdagar i Tysnes

I ei rekkje år har det vore ei fast ordning i Tysnes med tysdagar og fredagar som faste gravferdsdagar.No er dette endra til tysdag, torsdag og fredag.– Bakgrunnen er at me ikkje ynskjer to gravferder på fredagar. Med to vanlege gravferder må dei som er gravarar stå overtid, og det ynskjer me ikkje fredag ettermiddag, informerte kyrkjeverje Marianne Storetvedt på møtet i...