TØRT I TERRENGET: Dei som tennner på har sjølv eit ansvar, fortel brannsjef Torfinn Kongsvik.
TØRT I TERRENGET: Dei som tennner på har sjølv eit ansvar, fortel brannsjef Torfinn Kongsvik.

Ny grasbrann: – Folk må tenkja seg om

Brannsjef Torfinn Kongsvik er glad dei fekk sløkka brannen ved Flatråker.
Publisert 13.04.2018 kl. 17.03. Oppdatert 16.04.2018 kl. 11.34.

Det var fare for at grasbrannen kunne spreia seg til både hus og i skogen.

– Det brann på fleire frontar då me kom, forklarer Kongsvik.

Berre éin dag etter førre grasbrann, måtte Tysnes brannvesen på ny rykka ut til ukontrollerte flammar i terrenget.

Fredag ettermiddag var det på Økland på Flatråker det brann.


Svidde meir enn tenkt

Sviing av gras i eit hyttefelt på Økland hadde kome ut av kontroll.

110-sentralen fekk inn fleire meldingar om grasbrannen, som blant anna var blitt observert frå Stord.

– No er det vel tørt, og folk må tenkja seg om, seier brannsjefen på Tysnes.

Rask innsats av brannvesenet fekk hindra spreiing.

– Det gjekk bra denne gongen óg, seier Kongsvik.

I tillegg til brannvesenet, rykte to politimenn ut til grasbrannen.


Meld for å vera aktlaus

– Det har vore tørt lenge, og det bles. Når ein då tenner på, må ein kunna stoppa flammane, seier politibetjent Atle Birkeland, ved Tysnes lensmannskontor.

Han fortel at personane som svidde gras, blir melde av politiet for å vera aktlause.

No ventar det ei bot for dei som mista kontrollen. Kor stor ho blir avheng av fleire forhold.

Om politiet også kjem til å melda dei som svidde gras på Skorpo, for å vera aktlause, har ein førebels ikkje teke stilling til.

Politiet var ikkje på Skorpo då det brann.

– Me skal undersøka den saka litt nærare, seier Birkeland.

Søndag 15. april startar bålforbodet i Tysnes kommune.



SLØKKING: Det brann på fleire kantar då brannvesenet kom til staden.
SLØKKING: Det brann på fleire kantar då brannvesenet kom til staden.
NÆR HUSA: Brannen kunne raskt spreidd seg til bygningar. Sviinga av gras skjedde i eit område på rundt to mål.
NÆR HUSA: Brannen kunne raskt spreidd seg til bygningar. Sviinga av gras skjedde i eit område på rundt to mål.
RØYK: 110-sentralen hadde motteke melding om grasbrannen frå Stord-sida også.
RØYK: 110-sentralen hadde motteke melding om grasbrannen frå Stord-sida også.
MÅ HA VATN: Anders Amland trekkjer ein brannslange i det svidde terrenget.
MÅ HA VATN: Anders Amland trekkjer ein brannslange i det svidde terrenget.

Siste saker Gå til framsida

Ny singel frå Symra

– Me skal sleppa ein låt som heiter «Purple Sweater». Det er den nyaste av dei låtane me har spelt inn så langt, seier Øyvind Kleppe i Symra.

Leiar: Hurra for 65 meter nytt asfaltdekke

Tysnes har ikkje vore tilgodesett med så veldig mykje nytt asfaltdekke på dei fylkeskommunale vegane dei siste åra. Då Statens vegvesen tidlegare i år presenterte landsoversikta over planlagde nyasfalteringar i 2018, var det ikkje ein einaste klatt på Tysnes. I 2017 var det heller ikkje rare greiene, ein kilometer til saman. Og ser me attende til 2016, var Tysnes tilgodesett med fire...