BRA INNSATS: Her set Lasse Skulstad inn sitt andre mål i kampen mot Strand-Ulv.
BRA INNSATS: Her set Lasse Skulstad inn sitt andre mål i kampen mot Strand-Ulv.

Solskinsstart på sesongen for a-laget

Njardarherrane vann heile 7-1 mot Strand-Ulv laurdag ettermiddag.
Publisert 14.04.2018 kl. 21.59. Oppdatert kl. 22.02.

Med tre poeng i fyrste seriekamp, er jakta på opprykk til 6. divisjon starta for alvor. På Reiso stråla våryre njardarspelarar om kapp med sola, medan måla rann inn.

Mindre kjekt var det for Strand-Ulv, som i år stiller lag på seniornivå i seriesystemet for fyrste gong sidan 2002.


Tidleg scoring

Allereie etter 40 sekund sette Didrik Milde Thorbjørnsen inn 1-0-målet, og med det standarden for resten av kampen.

Njardar var på offensiven heile vegen, og mål nummer to kom frå Lasse Skulstad med Didrik som «assist». I 25. speleminutt var Didrik på hogget igjen, og med ei fin 3-0-leiing var det berre for publikum å lena seg godt tilbake i solsteiken.

– Herleg jobba gutar, dette er deileg spel, kommenterte njardarspelar Morris Skulstad på banen.


Målshowet heldt fram

Berrre tre minutt ut i andre omgang var det Lasse sin tur til å setja inn sitt andre mål for dagen, med hjelp frå Aksel Lande. Og før kvarteret var gått, viste Didrik seg fram igjen. Den tidlegare Bjarg-spelaren er eit friskt pust for Njardar, og får det å scora mål til å sjå veldig lett ut.

Det var også han som scora 6-0-målet, før Aksel Lande leikent sette inn dagens siste for Njardar, kring midtvegs i andre omgang.

Gjestene fekk berre inn eitt trøystemål.


To nye trenarar

– Me er vel i hovudsak fornøgde, men me er litt for lite nøyaktige samanlikna med treningskampane mot Rosendal. Her er det meir å gå på, kommenterer Thomas Hagen til «Tysnes» like før kampen er over.

Hagen er ny trenar for a-laget i år, saman med Raymond Epland. Og medan fyrstnemnde er spelande trenar, held Raymond kontrollen frå sidelinja.

– Korleis er den nye rolla som trenarar?

– Kjempegøy! Dei har frå januar av vore ein inspirert og motivert gjeng. Me har gode treningar, og fokus på vår spelestil, fortel dei ferske herrelagstrenarane.

– Og så trur eg me er einige om at absolutt alle er blitt betre spelarar i det siste, smiler Hagen.


Desse var med:

Arild Ebbesvik, Thomas Hagen, Didrik Milde Thorbjørnsen (4), Roy Korsnes, Aksel Lande (1) Ørjan Malkenes, Morris Skulstad, Lasse Skulstad (2), Terje Hagen, Kjartan Hagen, Endre Vermedal, Børge Pedersen, Daniell Hauge Hansen, Lars Even Stue, Alexander Kleppe, Bishar Mohamud Sofe og Heine Henanger.


NY PÅ LAGET: Tidlegare Bjarg-spelar Didrik Milde Thorbjørnsen spelte sin fyrste seriekamp for Njardar på laurdag.
NY PÅ LAGET: Tidlegare Bjarg-spelar Didrik Milde Thorbjørnsen spelte sin fyrste seriekamp for Njardar på laurdag.
GODT OPPMØTE: Fotball og varmt vårvêr er ein bra kombinasjon, meinte nok mange av desse tilskodarane.
GODT OPPMØTE: Fotball og varmt vårvêr er ein bra kombinasjon, meinte nok mange av desse tilskodarane.
CORNER: Terje Hagen (i midten) står klar til å ta imot ballen.
CORNER: Terje Hagen (i midten) står klar til å ta imot ballen.
RASK TYPE: Aksel Lande scora eit fint mål for Njardar i andre omgang.
RASK TYPE: Aksel Lande scora eit fint mål for Njardar i andre omgang.
MÅLFEST: Her har heimelaget akkurat netta sitt 7. mål, og Strand-Ulv legg ikkje skjul på skuffelsen.
MÅLFEST: Her har heimelaget akkurat netta sitt 7. mål, og Strand-Ulv legg ikkje skjul på skuffelsen.

Siste saker Gå til framsida

På gamleheimen

At gamleheimen skulle koma til å hamna på Hovland, hadde mest med tilfeldige omstende å gjera. Det vart i alle høve slik at Tysnes Gamleheimslag overtok den staselege gamle doktorbustaden som vart bygd av distriktslege Gjestland, som fekk skøyte i 1880. Her sette han opp ein bustad som ikkje stod tilbake for dei gamle patrisiarhusa som rikfolk i Bergen gjerne bygde som «lyststeder» utanfor...

Fylket seier nei til Hordfastaksjar

Hordaland fylkesting seier nei til kjøp av aksjar i Hordfast no. Fylkestinget vil ta stilling til aksjekjøp når ei utgreiing om fylkeskommunen si deltaking i pådrivarselskap ligg føre.Vedtaket i fylkestinget vart gjort mot fem røyster (SV, MGD og Raudt). Desse partia ville saman med Tom Sverre Tomren i KrF seia eit klart nei til fylkeskommunalt aksjekjøp i Hordfast AS.Høgre kom...