ALLE SCORA: Maria Lillesletten Hagen (t.v.) fekk inn to mål i kampen mot Fyllingen 4. (Arkivfoto)
ALLE SCORA: Maria Lillesletten Hagen (t.v.) fekk inn to mål i kampen mot Fyllingen 4. (Arkivfoto)

Komfortabel siger mot Fyllingen

Med resultatet 24-18, fekk Tysnes IL sitt damelag avslutta sesongen på beste måte.
Publisert 21.04.2018 kl. 21.44. Oppdatert kl. 21.48.

Fyllingen 4 gjesta Tysneshallen fredag kveld.

– Tysnesjentene drog ifrå med ein gong. Lea (Sofie Trondsen Dalland, red.merk) stoppa omtrent alt i fyrste omgang, og til pause stod det 13-5, fortel Terje Sløgedal.

Trenaren meiner laget har teke store steg denne sesongen.

– Me tapte med fire mål mot dette laget i haust, og no hadde jentene full kontroll gjennom heile kampen. Ekstra kjekt var det at alle kom på scoringslista!

På tribunen var det godt oppmøte, og publikum fekk ifølgje Sløgedal sjå mykje flott angrepsspel og forsvarsspel.

– Det var ein kjekk kamp, som aldri vart spanande, og som sette eit flott punktum på ein lang og svært utviklande sesong, seier Sløgedal nøgd.

Statistikken viser at det har blitt 11 sigrar og fem tap på Tysnes denne sesongen. Med 22 poeng endar dei på 3. plass på tabellen i 5. divisjon Kvinner 01.

Desse var med: Lea Sofie Trondsen Dalland, Kristin van der Meeren (4), Hannah Rød Halvorsen (1), Signe Pettersen Opdal (4), Maria Lillesletten Hagen (2), Linn Bergesen (4), Thea Sløgedal (4), Sara Reimdal Vee (1), Norunn Ebbesvik (1) og Julie Bakke (3).


Siste saker Gå til framsida

Leiar: Markerte Tysnes med nytt EM-gull

Det er stas når tysnesingar markerer seg utanfor kommunen, ja, til og med i utlandet. Ekstra stas er det når det er unge tysnesingar som set Tysnes på kartet.I sist veke kom styrkeløftar Anna Dorthea Espevik heim til Tysnes med ein ny gullmedalje. Denne gongen var det eit EM-gull. Europameisterskapen vart...

Markerer TV-aksjonen med fredagskafé

Tysnes skule gjentek suksessen frå i fjor og markerer også i år TV-aksjonen med fredagskafé fredag føremiddag. I fjor var det tett i tett med folk og trangt om plassen i den gamle gymsalen på skulen. I år vert arrangementet flytta til Tysneshallen. – Der blir det kafé og underhaldning for alle som ynskjer å koma, melder inspektør Synnøve Vines til avisa.