AUTOPASS UTSETT: Departementet har utsett innføringa av AutoPass på ferjene.
AUTOPASS UTSETT: Departementet har utsett innføringa av AutoPass på ferjene.

AutoPass på ferjene utsett

AutoPass på ferjene er utsett inntil vidare. Kommunikasjonsrådgjevar i Samferdsledepartementet, Henrik Jonassen, melder at endeleg dato for oppstart enno ikkje er bestemt.
Publisert 21.04.2018 kl. 12.00.

– Vegdirektoratet vedtok 18. april at oppstart av AutoPass på ferjene vert utsett inntil vidare for å sikra at det tekniske systemet som skal handtera billetteringa skal fungera optimalt, og slik det er planlagt, seier kommunikasjonsrådgjevaren.

Dette fører til at det ikkje vil bli endringar i prisane på dei aktuelle ferjestrekningane som skal innføra AutoPass.

– Me kjem tilbake med endeleg dato for oppstart så snart me veit meir, seier Jonassen.

I papirutgåva av «Tysnes» 19. april har avisa sitert frå ei nettsak på transportmagasinet tungt.no, der det heiter at Statens vegvesen vil innføra AutoPass på ei rekkje ferjesamband i Norge med oppstart 15. mai.

No har departementet utsett saka.


Siste saker Gå til framsida

Debatt: El-bilar og betaling på innanriksferjer

Til å byrja med, var el-bilar fritekne for betaling på riks- og fylkesvegferjer. Ein løyste då berre billett for føraren av bilen. Dette vart det ei endring på i 2016/2017.Då vart det vedteke at el-bilar skulle betala for seg på lik linje med andre bilistar. Men dei skulle berre betala 50 prosent av vanleg biltakst. Og då var føraren inkludert i prisen. Men dei som brukte...

Leiar: Markerte Tysnes med nytt EM-gull

Det er stas når tysnesingar markerer seg utanfor kommunen, ja, til og med i utlandet. Ekstra stas er det når det er unge tysnesingar som set Tysnes på kartet.I sist veke kom styrkeløftar Anna Dorthea Espevik heim til Tysnes med ein ny gullmedalje. Denne gongen var det eit EM-gull. Europameisterskapen vart...