HOVUDTALAR: Anne Merete Fjeldstad syntest det var stas å ha Leif Sande som 1. mai-talar på Tysnes.
HOVUDTALAR: Anne Merete Fjeldstad syntest det var stas å ha Leif Sande som 1. mai-talar på Tysnes.

– Solidaritet er meir enn ord

Ein engasjert Leif Sande (Ap) heldt 1. mai-tale på Mandelhuset tysdag ettermiddag.
Publisert 01.05.2018 kl. 17.32. Oppdatert 02.05.2018 kl. 14.00.

– Det var ein fantastisk inspirerande tale, skrytte Anne Merete Fjeldstad (Ap), som leia programmet.

Sande nytta høvet til å både trekkja dei lange linjene tilbake til arbeidarrørsla, samstundes som han løfta blikket ut i verda.

Den tidlegare fagforeiningsleiaren i Industri Energi, og noverande 1. vara til Stortinget for Hordaland Arbeiderparti, er van med å kjempa for arbeidarane sine rettar.

– Solidaritet er meir enn ord. Det er handling, sa Sande i talen sin.

Han tok til ordet for å stå opp mot urett. Det kom fleire stikk til regjeringa, Erna Solberg og Sylvi Listhaug. Blant anna kritiserte han statsminister Solberg si handtering av nedgangen i oljesektoren.


Internasjonalt fokus

1. mai er ein dag for rake ryggar og stoltheit, meinte Sande. Han syntest at ein framleis har mykje å kjempa for, og skulle han sjølv gått under ei parole i år, måtte det vore mot krigen i Midtausten.

– Ein av dei tinga som er verst, er at me ikkje har fått slutt på krigen i Midtausten. Mange døyr i krigshandlingane, sa Sande etter talen.

Ap-politikaren er oppteken av dei internasjonale koplingane til Norge, og i 1. mai-talen kom han inn på både EØS, OPEC, Trump og Brexit.

Tradisjonen tru, blei det servert betasuppe på Mandelhuset. Noko dei frammøtte såg ut til å setja pris på. Rundt 25 peronar hadde møtt opp på Tysnes si 1. mai-markering.


Fått inn med morsmelka

– Me har alltid feira 1. mai, sa Olav og Torill Skjervheim.

Ho har røter frå industrisamfunnet Odda, der den einaste skilnaden på 1. mai og 17. mai var bunad på nasjonaldagen, var det ikkje rart dei hadde funne vegen til Mandelhuset.

Ei sak som opptok Torill var at ein må bli flinkare å tilretteleggja med praksisplassar etter endt utdanning.

To som også hadde teke turen til Mandelhuset, var Halvard og Arne Dalsgård.

– Det er viktig å visa solidaritet på ein slik dag, meinte Arne.

Halvard trekte fram utfordringa med små prosjektkontraktar i arbeidslivet, som ei viktig 1. mai-sak.


Treng innvandring

Den internasjonale appellen var det Rolf Simonsen som stod for. Han er engasjert i både Arbeidarpartiet, Fagforbundet, Norsk Folkehjelp og LO.

– Det er ei brukarrettleiing som høyrer til talen, begynte Simonsen, og drog fram ein 50-lapp frå lomma.

– Den brettar du slik, sa han, og stappa setelen i Norsk Folkehjelp si innsamlingsbøsse.

I ei tid der media spreiar framandfrykt, meinte Simonsen at ein må sjå meir positivt på innvandring.

– Me må vera takknemlege for dei som vil koma til kalde, våte Norge, sa Simonsen.

Han minna om at hadde det ikkje vore for innvandringa til Norge, ville folketalet gått ned.

Simonsen fekk ein varm applaus av dei frammøtte etter talen.


VIKTIG DAG: Halvard Dalsgård (t.h.) trekte fram utfordringa i arbeidslivet med tilsetjing i korte prosjektkontraktar. Til venstre Arne Dalsgård.
VIKTIG DAG: Halvard Dalsgård (t.h.) trekte fram utfordringa i arbeidslivet med tilsetjing i korte prosjektkontraktar. Til venstre Arne Dalsgård.
ODDA: Torill og Olav Skjervheim har alltid feira 1. mai.
ODDA: Torill og Olav Skjervheim har alltid feira 1. mai.
SOLIDARITET: Rolf Simonsen nytta høvet til å ta opp Palestina-konflikten.
SOLIDARITET: Rolf Simonsen nytta høvet til å ta opp Palestina-konflikten.

Siste saker Gå til framsida

Lesarbrev: Takk til alle heltene som jobber i dagligvarebutikkene i Vestland

I møtet med koronakrisen trer nå mange helter fram. Mange i samfunnskritiske funksjoner jobber på spreng. Det viser tydeligere enn noen gang hvor viktige disse funksjonene er. Som næringsminister vil jeg gjerne rette en spesiell takk til alle heltene i butikkene. Som hver dag stiller på jobb for å sikre mat på bordet til alle oss andre, de som sitter i front og de som står på for å sikre at...

No skal klokka stillast igjen

Det er mykje som er endra i samfunnet i desse koronatider, men ein ting går som planlagt: overgangen til sommartid. Natt til søndag skal nemleg klokka stillast ein time fram, og dei som skal tidleg opp på jobb får ein time mindre på puta. Til gjengjeld kan me i tida framover nyta ljosare kveldar.

– Me har opplevd utruleg god støtte

SvingenPuls er blant verksemdene som har måtta stengja som eit resultat av koronatiltaka. Leiar Marthe G. Birkeland prøver å gjera det beste ut av situasjonen, og set stor pris på støtta frå medlemmane.