FORNØGDE TILSETTE: Iselin Hauge, Rannveig Ljostveit Helland og Anne Marie Malkenes stortrivst allereie i nye lokale.
FORNØGDE TILSETTE: Iselin Hauge, Rannveig Ljostveit Helland og Anne Marie Malkenes stortrivst allereie i nye lokale.

Nyopna leiketøysbutikken

Born, kaker, ballongar og masse leiker. Alt var til stades då Rannveig Ljostveit Helland opna dørene i Våge senter.
Publisert 02.05.2018 kl. 12.51.

– Me er Noregs minste Yes-leiketøysbutikk, skryter butikksjef Rannveig Ljostveit Helland.

Ho er storfornøgd med å ha flytta over vegen til Våge senter. I kaféen til Tysnes Blomster og Interiør er det no kome leiketøysbutikk.

Onsdag føremiddag, var det vesle lokalet pynta med flagg og ballongar, til nyopninga.

Born og vaksne strøymde inn i dei små lokala.


Ønskjeliste

Ein som fann seg godt til rette i den nye leiketøysbutikken, var Kasper Tvedt.

Femåringen har bursdag 22. mai, og var i Våge for å kikka på ting å setja på ønskjelista. Eit stort legoskip såg ekstra spanande ut, syntest han.

Søstera Regine Tvedt (8) likte seg betre i kosebamseavdelinga.

– Syntest du det var fint her, spør mor Jenny Kjellevold.

– Ja, svarer dottera raskt, og smiler breitt.

– Det blir sikkert kjekt for dei som jobbar her også, legg Kjellevold til.


Flytta på éi helg

– Eg har gledd meg til å koma opp her, seier Anne Marie Malkenes, som står bak disken.

Ho trur det blir meir sosialt no når dei er nærare nabobutikkane. Kanskje kjem salet til å auka også.

I langhelga har det vore full aktivitet for å få alt på plass.

Det blei mange turar over vegen, då varene skulle flyttast frå dei gamle lokala, over vegen til Våge senter.

– Eg må få takka alle som har hjelpt til av kollegaer, vener og familie. Me flytta heile butikken på éi helg. Og takk til Tysnes Blomster og Interiør for at me får leiga kafélokalet, seier ei energisk Helland.


Bøkene kjem tilbake

I åtte år har ho vore dagleg leiar i Tysnes Bok og Fritid. Butikken er tilknytt leiketøyskjeda Yes! vi leker.

Då dei skulle gå frå 120 til 55 kvadratmeter stor butikk, var det langt frå alt som fekk plass i butikkhyllene.

– Heime i gangen er det fullt i varer, seier Helland.

Bøkene er det ikkje plass til i det gamle kafélokalet, men butikken tar imot bestillingar, fortel Helland.

– Bøkene kjem tilbake når me skal inn i nye lokale, på eit utvida Våge senter, seier Helland.

Allereie neste vår, håpar ho å kunna flytta inn i heilt nye, og litt større butikklokale.


LEIKER: Kasper Tvedt (5) og Regine Tvedt (8) fann mykje fint som dei kan ønskja seg.
LEIKER: Kasper Tvedt (5) og Regine Tvedt (8) fann mykje fint som dei kan ønskja seg.
KAKER: Rannveig Ljostveit Helland serverte kaker, ballongar, og gav borna små gåver på butikkopninga.
KAKER: Rannveig Ljostveit Helland serverte kaker, ballongar, og gav borna små gåver på butikkopninga.

Siste saker Gå til framsida

Har studert tilstanden til den store eika i Våge

«Festivalkontoret» i Våge skal utvidast. Derfor trong Fonna AS meir info om den gamle eika ved kontoret.– Eg kom med ei anbefaling om å finna ut litt om vitaliteten og helsetilstanden til treet, og gjerne òg finna ut risikoane med treet, seier arborist Kristoffer Nerhus, dagleg leiar i Hardanger Hagehjelp.Han kom i kontakt med Sigvard Madsen i Fonna AS, som følge av...

Tommy stod på og lukkast

Endeleg, etter fire års innsats av fleire gode krefter, og ikkje minst Tommy Gundersen (24) sjølv, har han fått lærlingeplass og er nærast sikra jobb i framtida.