HEIME ATT: Laurdag var Lada Tour-gjengen heime att på Tysnes, med parade gjennom Våge. (Foto Camilla Korsnes)
HEIME ATT: Laurdag var Lada Tour-gjengen heime att på Tysnes, med parade gjennom Våge. (Foto Camilla Korsnes)

Lada Tour-gjengen vart mottekne med folkefest

Med korpstonar og parade gjennom Våge sentrum vart det ei flott mottaking for dei tolv litt sprøe russlandsfararane som i sist veke drog til Moskva for å henta heim tre gamle Ladabilar.
Publisert 12.05.2018 kl. 16.17.

Laurdag var dei heime att. Klokka to om ettermidag var det tillyst velkomstmarkering og minibibliotekopning på kaien i Våge. Og velkomst vart det. Folk hadde møtt fram i hopetal på kaien i Våge for å få med seg markeringa. I strålande fint mai-ver vart det ein folkefest. Ikkje berre var det tett med folk på kaiområdet, i hamna var det også tett med båtar.


Hadde baka kake

Sjølvaste ordføraren var henta inn til å stå for den offisielle velkomsten, av dei tolv i Lada Tour-gjengen som kom heim att til Tysnes. Dei var tretten som reiste bort og tolv som kom heim att i bilane til Våge. Rasmus Holm Lunde måtte på jobb, og hoppa av undervegs.

– Det passa godt, for me hadde eigentleg berre plass til tolv i dei tre bilane, fortalde Marcus Dalland med glimt i auga då han fortalde om reiseopplevingar frå turen.

På kaiområdet var det både kaker, saft og kaffi. Ikkje berre til æresgjestene frå Russland, men til alle som hadde møtt fram.

Her var det både marsipankaker og sjokoladekaker. Ordføraren hadde sjølv baka sjokoladekake.

– Det er av den enkle typen, så de kan spara den til slutt, la han humoristisk til då han hadde ynskt gjestene vel heim att.


Imponert

– Det er utruleg mykje folk her, seier ordførar Kåre Martin Kleppe til «Tysnes» etter at slagordet hans «La da svinga, la da rock and roll» tona utover kaien.

Han synest det er kjekt at ein kuriositet som dette samlar så mykje folk.

– Men folk har jo følgt med både via aviser, Facebook og SnapChat og lurt på korleis det har gått med dei. Og så er jo dette ei hending som har vore snakka om lenge og planlag lenge. Eg synest det er flott at det blir gjennomført, seier han.

– Kva betyr det for Tysnes?

– Eg trur at folk legg merke til at me finn på litt sprell på Tysnes, og at Tysnesfest også er flinke å støtta opp om litt spesielle idear. Eg trur dette er utelukkande positivt.


Nøgd reiseleiar

Hans Christian Haaland har vore reiseleiar for den litt sprøe gjengen.

– Det har i grunnen gått veldig fint. Det har vore kjempegøy å vera på tur med denne gjengen. Det er berre unnatak dei gongene eg har måtta «glefsa» litt, seier han og ler.

Ler gjer han også når han tenkjer tilbake på opplevingane frå turen.

– Noko av det artigiaste var vel i Russland, då ingen av skjøna kva som vart sagt då me skulle på 12-timars busstur frå Moskva til St. Petersburg og hadde kjøpt billettar utan sitjeplass, mimrar han.

Stort sett har dei tre vel 30-år gamle veteranbilane gått greit heimover. Litt skruing har det blitt, og litt besøk på Biltema-butikkar. Men utanom det gjekk turen fint. Fredag ettermiddag kom dei til Røldal, der det etter mykje interne diskusjonar vart overnatting, før heimkomsten laurdag.







VART HEIDRA: Stor jubel då dei tolv karane stilte opp saman med bilane på kaien i Våge. (Foto: Camilla Korsnes)
VART HEIDRA: Stor jubel då dei tolv karane stilte opp saman med bilane på kaien i Våge. (Foto: Camilla Korsnes)
STORT FRAMMØTE: Det var tett med folk på kaien i Våge for å få med seg velkomsthelsinga. (Foto: Ole Skaten)
STORT FRAMMØTE: Det var tett med folk på kaien i Våge for å få med seg velkomsthelsinga. (Foto: Ole Skaten)
MANGE VILLE SJÅ: Mange var det også som ville prata og sjå nærare på bilane. (Foto: Ole Skaten)
MANGE VILLE SJÅ: Mange var det også som ville prata og sjå nærare på bilane. (Foto: Ole Skaten)
KAFFI OG KAKER: Ingen folkefest utan kaker. Det var lang kø framfor kakeborda. (Foto: Ole Skaten)
KAFFI OG KAKER: Ingen folkefest utan kaker. Det var lang kø framfor kakeborda. (Foto: Ole Skaten)
KORPSMUSIKK: Medlemer av Tysnes musikklag var med og sette ein spiss på markeringa. (Foto: Camilla Korsnes)
KORPSMUSIKK: Medlemer av Tysnes musikklag var med og sette ein spiss på markeringa. (Foto: Camilla Korsnes)
REISELEIAR: Hans Christian Haaland har vore reiseleiar for den litt sprøe gjengen. (Foto: Ole Skaten)
REISELEIAR: Hans Christian Haaland har vore reiseleiar for den litt sprøe gjengen. (Foto: Ole Skaten)
INTERVJU: Ordførar Kåre Martin Kleppe intervjuar Martin Restad, ein av deltakarane på turen. (Foto: Camilla Korsnes)
INTERVJU: Ordførar Kåre Martin Kleppe intervjuar Martin Restad, ein av deltakarane på turen. (Foto: Camilla Korsnes)
SISTE FINPUSS: Bilane blir pynta på Gjerstad, før innkøyringa til Våge. (Foto: Camilla Korsnes)
SISTE FINPUSS: Bilane blir pynta på Gjerstad, før innkøyringa til Våge. (Foto: Camilla Korsnes)
REISEOPPLEVINGAR: Marcus Dalland fortel om opplevingar på turen. (Foto: Camilla Korsnes)
REISEOPPLEVINGAR: Marcus Dalland fortel om opplevingar på turen. (Foto: Camilla Korsnes)

Siste saker Gå til framsida