j13-1: UAVGJORT: Njardar J13 spelte 2-2 mot Halsnøy. Milena Titoka med kampens finaste scoring.
j13-1: UAVGJORT: Njardar J13 spelte 2-2 mot Halsnøy. Milena Titoka med kampens finaste scoring.

Uavgjort mot topplaget

Det vart ein jamn og spennande jenter 13 kamp førre veke.
Publisert 13.05.2018 kl. 19.24.

Njardar/Tysnes tok imot Halsnøy på Reiso. Halsnøy er tetlaget i J13 pulja, men tabelleiaren måtte jobba for å unngå tap mot Njardar-jentene.


God fart

Alle måla kom i 1. omgang. Njardar sitt første kom då Alma Vermedal med sin gode fart og steg, kom seg fri på høgrevingen, skar inn og plasserte ballen i nota bak Halsnøy-keeperen.


Nydeleg scoring

Gjestene svara med to mål, men gultrøyene si andre scoring var vakker. Ein nydeleg vending av Milena Titoka der borteforsvararen vart rundlurt, før spissen skaut hardt i mål. Flott mål!

Det stod så 2-2 til pause, og det vart også stillinga etter full tid.


Fleire forsøk

– Etter ein litt svak start på 1. omgang, synest eg jentene våre overkøyrde Halsnøy-laget i mesteparten av 2. omgang, seier trenar Ingebrigt Vermedal.

– Etter pause hadde me fleire skot i stengene og fleire skotforsøk som gjekk like utanfor.

Desse var med: Louise V. Lunde, Elise S. Dalen, Mia Helvik, Mia Madelein T. Nesse, Tora N. Austvik, Alma Vermedal, Ingvil Vermedal, Tuva H. Olsen, Malene Lygre Kongsvik, Milena Titoka, Parya Shaki Zade, Anna H. Haugsgjerd og Anna Olea F. Sunde.

gunnar hansen

redaksjonen@tysnesbladet.no


j13-2: GOD OFFENSIV: Parya Shaki Zade var god i Njardar-angrepet.
j13-2: GOD OFFENSIV: Parya Shaki Zade var god i Njardar-angrepet.
j13-3: FART: Det var få Halsnøy-spelarar som følgde Alma Vermedal på farten.
j13-3: FART: Det var få Halsnøy-spelarar som følgde Alma Vermedal på farten.

Siste saker Gå til framsida

Leiar: Markerte Tysnes med nytt EM-gull

Det er stas når tysnesingar markerer seg utanfor kommunen, ja, til og med i utlandet. Ekstra stas er det når det er unge tysnesingar som set Tysnes på kartet.I sist veke kom styrkeløftar Anna Dorthea Espevik heim til Tysnes med ein ny gullmedalje. Denne gongen var det eit EM-gull. Europameisterskapen vart...

Markerer TV-aksjonen med fredagskafé

Tysnes skule gjentek suksessen frå i fjor og markerer også i år TV-aksjonen med fredagskafé fredag føremiddag. I fjor var det tett i tett med folk og trangt om plassen i den gamle gymsalen på skulen. I år vert arrangementet flytta til Tysneshallen. – Der blir det kafé og underhaldning for alle som ynskjer å koma, melder inspektør Synnøve Vines til avisa.