ENGASJERT: Øystein Vaage, dagleg leiar i Tysnesfest, er engasjert i kampen mot forsøpling. No kuttar Tysnesfest i plastbruken.
ENGASJERT: Øystein Vaage, dagleg leiar i Tysnesfest, er engasjert i kampen mot forsøpling. No kuttar Tysnesfest i plastbruken.

Tysnesfest til kamp mot forsøpling

Tysnesfest hiv seg inn i kampen mot marin forureining. Dette ser ein mellom anna på festivalprogrammet.
Publisert 13.05.2018 kl. 06.00.

– Dei spelar på gammal plast, rustne røyr og liknande. Alle instrumenta deira er marin forsøpling av noko slag.

Dette seier Øystein Vaage, dagleg leiar i Tysnesfest. Dei han snakkar om er gruppa «Sustain» frå Bergen. Gruppa finn seg i krysninga mellom visuell kunst og musikk, og er mellom anna kjente for å spela på instrument laga av boss.

Vaage høyrde først om gruppa, då dei var med på opninga av Festspela i Bergen i fjor.

– Det er viktig å få fokus på dette med forsøpling generelt, men spesielt også dette med marin forsøpling, seier Vaage, som sjølv engasjerer seg i kampen mot forsøpling.


Lagar utstilling med skulen

– «Sustain» skal også laga utstilling med mellomtrinnet på Tysnes skule, seier Vaage.

Elevane har, i høve den nasjonale strandryddeveka, samla inn boss i strandkanten. Bosset skal brukast i utstillinga. 13. juli, medan utstillinga går føre seg, skal «Sustain» spela musikk.

I forkant av utstillinga og konserten, skal elevane få profesjonell rettleiing:

– Før det, skal elevane jobbe saman med ein scenograf, forklarer Vaage.


Kuttar ned på plast

Engasjementet mot forsøpling viser ikkje berre igjen på festivalprogrammet.

– Me har byta ut mykje av plasten vår med nedbrytbart materiale, og vil oppmoda gjester til ikkje å bruka så mykje plast, forklarer Vaage, og legg til at festivalen allereie bruker mykje ressursar på bossplukking.

– Me kjem òg til å redusera bruken av plastbestikk under festivalen, avsluttar Vaage.


Siste saker Gå til framsida

Leiar: Markerte Tysnes med nytt EM-gull

Det er stas når tysnesingar markerer seg utanfor kommunen, ja, til og med i utlandet. Ekstra stas er det når det er unge tysnesingar som set Tysnes på kartet.I sist veke kom styrkeløftar Anna Dorthea Espevik heim til Tysnes med ein ny gullmedalje. Denne gongen var det eit EM-gull. Europameisterskapen vart...

Markerer TV-aksjonen med fredagskafé

Tysnes skule gjentek suksessen frå i fjor og markerer også i år TV-aksjonen med fredagskafé fredag føremiddag. I fjor var det tett i tett med folk og trangt om plassen i den gamle gymsalen på skulen. I år vert arrangementet flytta til Tysneshallen. – Der blir det kafé og underhaldning for alle som ynskjer å koma, melder inspektør Synnøve Vines til avisa.