SMILAR BREITT: Fridtjof Nilsen og deltakarane i «Alt for Norge» er ved godt mot, og har nytt godt av finvêret den siste veka. (Foto: Tormod Leet/TVNorge)
SMILAR BREITT: Fridtjof Nilsen og deltakarane i «Alt for Norge» er ved godt mot, og har nytt godt av finvêret den siste veka. (Foto: Tormod Leet/TVNorge)

Norsk realityprogram vitja Tysnes

Neste sesong av realityprogrammet «Alt for Norge» blir filma i desse dagar. Førre veke var dei på Tysnes.
Publisert 14.05.2018 kl. 14.36.

– Ein av deltakarane har forfedrar frå Tysnes. Om eg hugsar rett, hadde han ein tipptipp-oldefar som budde på ein husmannsplass på Tysnes, seier Fridtjof Nilsen. Han er programleiar for årets sesong av «Alt for Norge», som blir sendt på TVNorge ein gong på seinsommaren eller hausten.

Grunna ein sperrefrist frå TVNorge si side, har ikkje «Tysnes» høve til å gå ut med namn eller bilete av deltakaren med aner frå Tysnes, men me kjem tilbake med meir på eit seinare tidspunkt.


Samlar norsk-amerikanarar

«Alt for Norge» er eit reality-konsept der ein samlar amerikanarar med norske forfedrar, og lar dei konkurrera med kvarandre. Vinnaren får møta den norske familien sin.

Nilsen har vore programleiar sidan 2016, då han tok over for Henriette Bruusgaard.


Heilt magisk på Tysnes

– Dei synest det er heilt magisk her. Allereie på ferja til Våge, syntest dei det var heilt utruleg. Det var regn i lufta og trolsk stemning over sjøen, og dei åt svele på båten, seier Nilsen, om deltakarane si oppleving av Norge og Tysnes. Sjølv set han også meir pris på naturen i landet, etter å ha sett den gjennom realityprogram-deltakarane:

– Me nordmenn er jo liksom vande med både fjordar og fjell, men dette er heilt nytt for deltakarane. Du får liksom sjå ditt eige land med nye augo.


Siste saker Gå til framsida

Debatt: El-bilar og betaling på innanriksferjer

Til å byrja med, var el-bilar fritekne for betaling på riks- og fylkesvegferjer. Ein løyste då berre billett for føraren av bilen. Dette vart det ei endring på i 2016/2017.Då vart det vedteke at el-bilar skulle betala for seg på lik linje med andre bilistar. Men dei skulle berre betala 50 prosent av vanleg biltakst. Og då var føraren inkludert i prisen. Men dei som brukte...

Leiar: Markerte Tysnes med nytt EM-gull

Det er stas når tysnesingar markerer seg utanfor kommunen, ja, til og med i utlandet. Ekstra stas er det når det er unge tysnesingar som set Tysnes på kartet.I sist veke kom styrkeløftar Anna Dorthea Espevik heim til Tysnes med ein ny gullmedalje. Denne gongen var det eit EM-gull. Europameisterskapen vart...