EKSAMEN: For desse tre blei engelskeksamenen ei solskinshistorie. Frå venstre: Martine Ludvigsen (16), Malene Kristine Meidell Alsaker (15) og Malene Hagen (16).
EKSAMEN: For desse tre blei engelskeksamenen ei solskinshistorie. Frå venstre: Martine Ludvigsen (16), Malene Kristine Meidell Alsaker (15) og Malene Hagen (16).

– Det gjekk eigentleg ganske fint

Fredag var det duka for engelskeksamen for nokre av tiandeklassingane på Tysnes skule.
Publisert 25.05.2018 kl. 14.13. Oppdatert kl. 14.26.

– Det gjekk eigentleg ganske fint. Engelsk er eit av faga eg får best karaktar i, seier Malene Hagen (16).

«Tysnes» møter ho utafor Tysnes skule, der ho sit og nyt sola.

Martine Ludvigsen (16) seier seg einig:

– Eg følte det gjekk heilt greitt. Oppgåvene var veldig like tentamen.

Ho legg til at ho føler skulen har førebudd dei godt, men at tida opp mot eksamenen har gått ganske fort.

Også Malene Kristine Meidell Alsaker (15), leiar i elevrådet og Tysnes ungdomsråd, synest eksamenen gjekk greitt. – Kva synest du om førebuinga opp mot eksamenen?– Eg synest førebuinga har vore grei. Me har øvd på oppgåver som er ganske like eksamensoppgåvene, og fått mykje bra info, seier Alsaker.

Og korleis synest leiinga det har gått?

– Ut ifrå at det er ein digital eksamen, har det gått veldig bra. Prosedyrane vore har fungert fint, seier rektor Kari Pettersen.


Siste saker Gå til framsida

Ny singel frå Symra

– Me skal sleppa ein låt som heiter «Purple Sweater». Det er den nyaste av dei låtane me har spelt inn så langt, seier Øyvind Kleppe i Symra.

Leiar: Hurra for 65 meter nytt asfaltdekke

Tysnes har ikkje vore tilgodesett med så veldig mykje nytt asfaltdekke på dei fylkeskommunale vegane dei siste åra. Då Statens vegvesen tidlegare i år presenterte landsoversikta over planlagde nyasfalteringar i 2018, var det ikkje ein einaste klatt på Tysnes. I 2017 var det heller ikkje rare greiene, ein kilometer til saman. Og ser me attende til 2016, var Tysnes tilgodesett med fire...