FULL KONTROLL: Det var mogleg å testa kajakkferdigheitene under aktivitetsdagen. Den sjansen let ikkje Lars Kristoffer Meidell Alsaker gå i frå seg.
FULL KONTROLL: Det var mogleg å testa kajakkferdigheitene under aktivitetsdagen. Den sjansen let ikkje Lars Kristoffer Meidell Alsaker gå i frå seg.

Lars Kristoffer (12) hadde Onarheimsvatnet heilt for seg sjølv

Onarheim bygdelag håpar på betre oppmøte på aktivitetsdagen neste år.
Publisert 09.06.2018 kl. 22.13. Oppdatert kl. 22.20.

– Eg har berre padla kajakk éin gong før, men eg har padla mykje kano, sa Lars Kristoffer Meidell Alsaker.

Til å vera andre forsøk såg 12-åringen ut til å ha god kontroll på både åre og kajakk.

– Dette var kjekt, sa han og smilte.


Kunne ikkje lokka med grill

Grunna forbodet mot open eld var det ikkje mogleg å fyra opp grillen laurdag ettermiddag.

– Under normale omstendigheiter kjem det over 50 personar, sa Magne Storesætre.

Den vesle gjengen som hadde samla seg ved Onarheimsvatnet var einige om at eitt år med dårleg oppmøte, ikkje er nokon grunn til å kasta inn handkledet. Til neste år kryssa dei fingrane for ein litt våtare mai månad. Forholda låg til rette for ei fin ettermiddagsstund ved vatnet, men utan grilling uteblei tysnesingane.


Arrangør

Det er Onarheim bygdelag som arrangerer den årlege aktivitetsdagen. Dei lokkar med både kanopadling og fiskekonkurranse.

– Me satsar på betre oppmøte neste år, sa Eirik Onarheim, grunneigar og styremedlem i bygdelaget.


ROLEG: Magne Storesætre (f.v.) Gerhard Meidell Alsaker, Eirik Onarheim, Stian Onarheim og Morten Skaten skulle gjerne ønskja at det var fleire som tok turen til Onarheimsvatnet denne laurdagen.
ROLEG: Magne Storesætre (f.v.) Gerhard Meidell Alsaker, Eirik Onarheim, Stian Onarheim og Morten Skaten skulle gjerne ønskja at det var fleire som tok turen til Onarheimsvatnet denne laurdagen.

Siste saker Gå til framsida

Debatt: Miljødiplomet til Hordaland fylkeskommune og Skyss må ned frå veggen no

I seinare tid har det vore diskutert opp og ned om ferjer til og frå Tysnes. Møte har vore organiserte og haldne, folk har fortvila forsøkt på å få svar på spørsmåla sine rundt dette temaet, men Hordaland fylkeskommune og Skyss er tause. Dei vil ikkje plagast med slikt frå distrikta.Her er det politikarane i fylkeskommunen som fylgjer opp initiativa frå sentralt hald, og har tildelt...

To løp på ei veke

Løpssesongen har starta igjen, og Pernilla Eugenie Epland er allereie godt i gang.Onsdag sprang ho 1500-meter under Trond Mohn Games i Fana. Der enda ho opp på ein sjetteplass, med tida 4.26.87.– Eg visste at desse som kom utanlandsfrå hadde ganske gode tider å visa til. Det var ikkje noko poeng for oss norske å henga oss på, seier Epland.Dermed blei løpet todelt frå...