SPELANDE TRENAR: Thomas Hagen sprang mykje på høgresida. Fyrst som ving, deretter som back.
SPELANDE TRENAR: Thomas Hagen sprang mykje på høgresida. Fyrst som ving, deretter som back.

Framleis uslåelege på heimebane

Etter ein målfattig fyrsteomgang, halte til slutt a-laget i land ein komfortabel siger mot Nordre Fjell 2.
Publisert 10.06.2018 kl. 20.00. Oppdatert 11.06.2018 kl. 10.59.

– Me gjer ein solid kamp, fortel Njardar-kaptein Lasse Aarland Skulstad etter kampen mot Nordre Fjell 2 søndag. For fyrste gong denne sesongen heldt Njardar-herrane nullen bakover på banen.


Spolerte sjansar

Heimelaget opna best framføre dei mange skodelystne på Reiso. Allereie etter ti minutt hadde dei gulkledde hatt tre store sjansar, men ein god Nordre Fjell-keeper hindra tidleg baklengsmål for gjestane.

Bortelaget stod imot opningspresset, og resten av omgangen vart tett og jamn. Etter 33 minutt fekk Nordre Fjell sin største sjanse, med eit skot som small i tverrliggjaren bak Njardar-keeper Kjartan Hagen.

Heimelaget heva seg inn mot pause og fekk fyrst ein dobbelsjanse med Didrik Milde Thorbjørnsen og Øyvind Helvik, før kaptein Aarland Skulstad tråkla seg gjennom forsvaret, men sette ballen rett på keeper.

– Me byrja bra, men fekk det ikkje heilt til etterkvart. Me er ikkje nøyaktige nok, og det vert litt store avstandar i laget, sa trenar Raymond Epland i pausen.

– Me gjer nokre endringar til andre omgang for å setja eit større press på Nordre Fjell.


Rask scoring og temperatur

Trenaren sine instruksar gav utteljing, og andre omgang var knapt to minutt gamal då toppscorar Didrik Milde Thorbjørsen sette 1-0. Han plasserte ballen roleg til side for keeper, etter ein pasning frå Aksel Lande.

Njardar/Tysnes heldt oppe trykket, og Roy Korsnes kunne i det 51. minutt ha dobla leiinga, men bortelaget sin keeper fortsette storspelet frå fyrste omgang.

Midten av andre omgang vart prega av duellar, gule kort og temperatur. Etter ein situasjon utanfor sekstenmeteren til bortelaget, hissa Milde Thorbjørnsen seg så mykje opp at dommar Åge Eide truga med raudt kort om ikkje spissen roa seg.


Avgjorde på slutten

Etter 79 spelte minutt fekk heimelaget inn 2-0 med Aksel Lande etter eit gjennomspel frå Lasse Aarland Skulstad.

Berre fire minutt seinare vart det meir temperatur, då innbyttar Arild Ebbesvik var aleine med keeper og vart halden i trøya innanfor sekstenmeteren. Dommaren peika på straffemerket, og gav i tillegg raudt kort til den skuldige Nordre Fjell-forsvararen, til store protestar frå bortebenken.

Ebbesvik sette sjølv straffa sikkert i mål bak målvakten til laget frå Ågotnes.

Same mann fekk også æra av å setja inn siste mål i siste minutt av kampen. Roy Korsnes kunne ha avslutta sjølv fra skrått hald, men slo ballen usjølvisk på tvers til Ebbesvik. Angriparen står no med seks mål på dei siste tre kampane.


Nøgd kaptein

– Det luggar litt i starten. Me klarar ikkje setja sjansane våre i fyrste omgang, seier kapteinen etter kampen.

Sjølv om det ikkje vart mål dei fyrste 45 minutta, er Aarland Skulstad godt nøgd med arbeidet bakover på banen.

– Me er solide defensivt og slepp ikkje til mange sjansar for motstandarane. Me styrar kampen på midten og ventar på opningsmålet.

At Njardar får utteljing i andre omgang gler kapteinen.

– Me får ting til i andre omgang og scorar med ein gong. Me jobbar for kvarandre og held kontrollen når temperaturen vert høg.

Kampen var den siste på heimebane før sommarferien, og Njardar har vunne alle kampane på Reiso så langt i år. På bortebane har dei mista fleire poeng, men laget reiser til Bergen på søndag med håp om siger.

– Me møter Bergen Allfot i siste kamp for våren. Me håpar og trur me får med oss tre poeng frå den kampen, seier Aarland Skulstad.

Njardar/Tysnes toppar akkurat no tabellen, og med siger i siste kamp har laget gode moglegheiter til å gå inn i ferien på tabelltopp og opprykksplass.


Kampfakta:

Njardar/Tysnes - Nordre Fjell 2 4 - 0 (0 - 0)

Reiso Kunstgras

Tilskodartal: Kring 85

Mål: 1-0 Didrik Milde Thorbjørnsen (47), 2-0 Aksel Lande (79), 3-0 Arild Ebbesvik (83), 4-0 Arild Ebbesvik (89)

Dommar: Åge Eide (Leirvik BK)

Desse var med: Kjartan Hagen, Morris Aarland Skulstad, Arild Ebbesvik, Børge Pedersen, Alexander Gjerstad Kleppe, Terje Hagen, Aksel Lande, Øyvind Helvik, Didrik Milde Thorbjørnsen, Daniell Hauge Hansen, Terje Nesland Vevatne, Thomas Hagen, Lasse Aarland Skulstad, Endre Vermedal og Roy Korsnes



SIGER: Njardar/Tysnes kunne feira sigeren på vanleg måte etter kampen.
SIGER: Njardar/Tysnes kunne feira sigeren på vanleg måte etter kampen.
KUNNE SCORA: Roy Korsnes hadde fleire gode moglegheiter i kampen. Denne vart redda av ein god Nordre Fjell-keeper.
KUNNE SCORA: Roy Korsnes hadde fleire gode moglegheiter i kampen. Denne vart redda av ein god Nordre Fjell-keeper.
KAPTEIN: Lasse Aarland Skulstad hadde mykje ball på midtbanen.
KAPTEIN: Lasse Aarland Skulstad hadde mykje ball på midtbanen.
FRISPARK: Det var mykje duellar i kampen. I denne vart det frispark til Børge Pedersen.
FRISPARK: Det var mykje duellar i kampen. I denne vart det frispark til Børge Pedersen.
STRAFFE: Arild Ebbesvik sette straffesparket sikkert i mål til 3-0.
STRAFFE: Arild Ebbesvik sette straffesparket sikkert i mål til 3-0.
DUELLAR: Midten av fyrste omgang var prega av mykje duellspel.
DUELLAR: Midten av fyrste omgang var prega av mykje duellspel.
DØDBALL: Heimelaget hadde nok av sjansar på corner i kampen.
DØDBALL: Heimelaget hadde nok av sjansar på corner i kampen.

Siste saker Gå til framsida

Kors, vaflar og fotball-VM på Solstråleøya

– Det var ein nydeleg vêrdag, med fin temperatur. Me fekk flott skyss frå Våge i Mor Di, skøyta til Patrick Madsen.Dette seier Hans Ole Dalland, om friluftsgudstenesta på Solstråleøya søndag.Vidare kan han fortelja at nokre av deltakarane kom roande frå Lunde – og nokre kom verkeleg langvegsfrå:– Eit ektepar frå Minnesota var på Tysnesferie, og fekk oppleva den flotte...

Sluttar som drosjesjåfør

– Eg har tenkt lenge på dette, fortel Elin Borgen.Det er ikkje vanskeleg å skjøna at dei fleste kjenner den sympatiske drosjesjåføren. Over halvparten av bilistane som passerer, vinkar til Borgen, i det ho møter «Tysnes» langs vegen i Uggdal.