STYRELEIAR: Måndag inviterer Gunnar Bakke og Sunnhordlandsambandet AS til generalforsamling på Tysnes. (Arkivfoto)
STYRELEIAR: Måndag inviterer Gunnar Bakke og Sunnhordlandsambandet AS til generalforsamling på Tysnes. (Arkivfoto)

Ber eigarane vurdera framtida til selskapet

Publisert 10.06.2018 kl. 09.00.

Gunnar Bakke vart på generalforsamlinga i Sunnhordlandsambandet AS i juni i fjor vald til ny styreleiar i selskapet etter Bente Bondhus som gjekk ut av styret.

Måndag skal det vera ny ordinær generalforsamling, og vidare drift av selskapet vert eitt av punkta som då står på sakslista.

– Styret har utarbeidd ein strategi for vidare drift, men lar det vera opp til generalforsamlinga å ta stilling til dette, heiter det i årsmeldinga for selskapet. Meldinga er underskriven av det sitjande styret: Gunnar Bakke, Kjell Fylkesnes, Kåre Martin Kleppe, Sverre Olav Handeland og Jacob Bjelland.

Styret skriv elles i årsmeldinga at det manglar tilstrekkeleg inntekter for vidare ordinær drift av selskapet, utan at aksjonærane bidreg med meir innskot i form av aksjekapital.

Representantar for selskapet hadde i fjor haust møte med samferdsledepartementet og vegdirektoratet, der ein gjekk gjennom fordelen med sørleg kryssing av Langenuen.

Styret har sendt søknad om midlar frå Tysnes, Stord og Kvinnherad kommunar saman med Sunnhordlandsdiagonalen AS og Alsaker Fjordbruk med tanke på å få utarabeidd ein rapport for å få fram trafikknytten ved sørleg kryssing.


Siste saker Gå til framsida

Den einaste bollebasaren i verda

To gonger i året blir det skipa til bollebasar på Jensvoll. Styreleiaren for Jensvoll bedehus trur dei har den einaste bollebasaren i heile verda.

Saknar du sofaputa di?

Denne grøne puta blei tysdag føremiddag observert einsam og forlaten i vegbanen på Onarheimsfjellet. Designet er ikkje siste skrik, så den førebelse teorien er at puta kan ha vore ein del av eit tilhengjarlass, på veg mot den sikre død i Eredalen. Men om nokon likevel skulle sakna puta, kan den hentast hos «Tysnes» i Teiglandsvegen 5. Enn så lenge har den fått ein ny sjanse.

Startar prosessen med grunnkjøp til ny barnehage

Kommunestyret har tidlegare vedtatt å byggja ny barnehage på Onarheim. Totalt sett er kostnadsramma på 36,6 millionar kroner, og allereie neste år har kommunen sett av over 13 millionar kroner til prosjektet i investeringsbudsjettet.I år er det også sett av litt midlar for å koma i gang med prosjektet, og i førre kommunestyremøtet diskuterte politikarane grunnkjøp. Politikarane gjekk...