LETTAR OPP GRILLFORBODET: – Det er opp til den enkelte å vurdera brannfaren dersom ein vil grilla i eigen hage, seier Brannsjef Torfinn Kongsvik. Det generelle forbodet mot open eld vert bevart inntil vidare. (Arkivfoto: Ingunn Gjærde)
LETTAR OPP GRILLFORBODET: – Det er opp til den enkelte å vurdera brannfaren dersom ein vil grilla i eigen hage, seier Brannsjef Torfinn Kongsvik. Det generelle forbodet mot open eld vert bevart inntil vidare. (Arkivfoto: Ingunn Gjærde)

Framleis stor skogbrannfare

Brannsjefen lettar litt på grillforbodet, men det er framleis ulovleg med open eld i naturen og på offentleg stad.
Publisert 12.06.2018 kl. 15.02. Oppdatert kl. 15.43.

Natt til måndag kom dei fyrste regndråpane på ei lang stund på Tysnes. Skogbrannfaren vert likevel rekna som stor, men brannsjefen lettar på forbodet mot grilling i eigen hage.

– Regnet som har kome til no har dempa tørka noko, men framleis er det stor brannfare i skog og mark. Dette gjer at me lettar litt på grillforbodet. Det er opp til den enkelte å vurdera brannfaren dersom ein vil grilla i eigen hage, anten ein brukar kol eller gass, seier brannsjef Torfinn Kongsvik.

Elles vert forbodet halda ved lag slik det har vore den siste tida.

– På offentlege plassar, i strandsona, på fjellet eller i skog og mark er det framleis forbod mot open eld. Dette omfattar også grilling og bruk av eingongsgrillar. Forbodet gjeld til det kjem nedbør av betydning. Ei oppheving av forbodet vil bli annonsert, seier brannsjefen.


Siste saker Gå til framsida

Leiar: Markerte Tysnes med nytt EM-gull

Det er stas når tysnesingar markerer seg utanfor kommunen, ja, til og med i utlandet. Ekstra stas er det når det er unge tysnesingar som set Tysnes på kartet.I sist veke kom styrkeløftar Anna Dorthea Espevik heim til Tysnes med ein ny gullmedalje. Denne gongen var det eit EM-gull. Europameisterskapen vart...

Markerer TV-aksjonen med fredagskafé

Tysnes skule gjentek suksessen frå i fjor og markerer også i år TV-aksjonen med fredagskafé fredag føremiddag. I fjor var det tett i tett med folk og trangt om plassen i den gamle gymsalen på skulen. I år vert arrangementet flytta til Tysneshallen. – Der blir det kafé og underhaldning for alle som ynskjer å koma, melder inspektør Synnøve Vines til avisa.