UNGDOM: Maren Jensen Nes (f.v.), Kristine Opdal og Mia Jensen Nes fortalde Anne Merete Fjeldstad om kva som er viktig for unge på Tysnes.
UNGDOM: Maren Jensen Nes (f.v.), Kristine Opdal og Mia Jensen Nes fortalde Anne Merete Fjeldstad om kva som er viktig for unge på Tysnes.

– Det er bra dei spør kva folk meiner

Det seier åttandeklassing Kristine Opdal, som var innom Arbeidarpartiet sin stand i Våge fredag ettermiddag.
Publisert 13.06.2018 kl. 16.15.

Gruppeleier Anne Merete Fjeldstad og Arbeidarpartiet har starta offensiven mot veljarane på Tysnes.

– Me er interesserte i å vita kva saker som er viktige for tysnesingar. Slik kan me laga eit best mogleg program å jobba etter for neste kommunestyreperiode, seier Fjeldstad.

Over ein kopp kaffi og ein vaffel kom det fleire gode innspel.


Eldreomsorg

– Folk er irriterte på at det er små stillingar i helsesektoren, forklarer Fjeldstad.

Ho kikkar over dei gule lappane som folk har skrive forslag på.

God eldreomsorg var også eit tema fleire tysnesingar var opptekne av.

Fleire nytta høvet til å gi klar beskjed om kva dei meiner om Arbeidarpartiet sentralt, men frå Tysnes er det lite lokalpolitikarane kan gjera med det.


Fritidstilbod for ungdom

– Har ungdom eit godt nok tilbod på fritida, ville Fjeldstad vita.

Ho hadde hanka Kristine Opdal, Mia Jensen Nes og Maren Jensen Nes bort til standen. Jentene kom raskt inn på Treffstaden som eit viktig tiltak.

– Det er bra dei spør kva folk som bur her meiner, sa Opdal.

Sjølv om ungdomsskuleelevane ikkje er gamle nok til å stemma heilt enno, er dei opptekne av kva som skjer i tysnessamfunnet.

Arbeidarpartiet sin stand var koordinert på landsbasis, og over det ganske land stod raudkledde menn og kvinner, klare for å høyra på unge og gamle.


Siste saker Gå til framsida

Kors, vaflar og fotball-VM på Solstråleøya

– Det var ein nydeleg vêrdag, med fin temperatur. Me fekk flott skyss frå Våge i Mor Di, skøyta til Patrick Madsen.Dette seier Hans Ole Dalland, om friluftsgudstenesta på Solstråleøya søndag.Vidare kan han fortelja at nokre av deltakarane kom roande frå Lunde – og nokre kom verkeleg langvegsfrå:– Eit ektepar frå Minnesota var på Tysnesferie, og fekk oppleva den flotte...

Sluttar som drosjesjåfør

– Eg har tenkt lenge på dette, fortel Elin Borgen.Det er ikkje vanskeleg å skjøna at dei fleste kjenner den sympatiske drosjesjåføren. Over halvparten av bilistane som passerer, vinkar til Borgen, i det ho møter «Tysnes» langs vegen i Uggdal.