FANS: Ein skare av Stoke-supporterar hadde samla seg på kaien, og venta på Gordon Banks og Co.
FANS: Ein skare av Stoke-supporterar hadde samla seg på kaien, og venta på Gordon Banks og Co.

Fotball-legendar besøkte Tysnes. – Eg har eit nært forhold til dei norske supporterane

Tysnes viste seg frå si beste side, då fotballstjernene Gordon Banks, Mike Pejic og Terry Conroy kom på besøk laurdag.
Publisert 16.06.2018 kl. 17.53. Oppdatert 19.06.2018 kl. 08.54.

– Det er utruleg vakkert her! seier Gordon Banks til «Tysnes».

80-åringen er for mange kjent som stjernekeeperen frå Sheffield, som spelte for Stoke City på 60- og 70-talet.

Og det er nettopp karrieren hans i Stoke som bringar han til Tysnes i dag. Stoke sin supporterklubb i Norge, stifta av tysnesing Gunnar Hansen, fyller nemleg 30 år i år, og dei har valt å leggja jubileumsfeiringa til Tysnes.


Nært forhold til supporterane

– Eg kjenner fansen godt, og har eit nært forhold til dei norske supporterane mine, seier Banks.

Mike Pejic, som òg er ein Stoke-veteran, er einig med «Banksy»:

– Eg set stor pris på dei norske supporterane. Det er utruleg at dei har støtta Stoke City alle desse åra.

Pejic held fram:

– Det som er mest vanleg er vel å halda med den lokale klubben sin. Derfor er det ekstra spesielt å ha supporterar heilt borte i Norge. Det er tydeleg at støtten deira kjem frå hjartet, seier Pejic.

Supporterklubben har planlagt eit program på Malkenes seinare på ettermiddagen, og eit opplegg på Mandelhuset på kvelden.

– Eg er veldig spent på dagen i dag, seier Gordon Banks.

I tillegg til Banks og Pejic, er det ei tredje Stoke-stjerne med til tysnes i dag – Terry Conroy.

– Eg blir alltid overraska over responsen i Norge, enten det er i Oslo, Bergen eller her på Tysnes, seier Conroy.

Alle tre har det til felles, at dei har vore fleire gongar i Norge, men aldri i Tysnes.


Heilt frå hovudstaden

Stemninga står høgt blant supporterane. I tilllegg til dei lokale, er det fleire som har reist langvegsfrå.

– Me har reist heilt frå Oslo, seier Rune Øyen.

Han er her med sonane sine Balder Øyen og Peder Øyen. Alle tre er Stoke-supportarar.

– Gordon Banks er jo helten. Han er ein verdsmeister. Og så er han veldig jordnær, seier den eldste Øyen, som sjølv har møtt Banks ein gong for 2-3 år sidan.

Til liks med dei tre fotball-legendane, har han aldri vore på Tysnes før.

Altså er det første gong Øyen er på øya.



BÅT: Fotballstjernene blei skyssa med privat båt frå Flesland.
BÅT: Fotballstjernene blei skyssa med privat båt frå Flesland.
GAMLE KAMERATAR: Gordon Banks og Terry Conroy var begge "stoked" for å vera på Tysnes.
GAMLE KAMERATAR: Gordon Banks og Terry Conroy var begge "stoked" for å vera på Tysnes.
VENSTREBEKK: – Eg set stor pris på dei norske supporterane, sa den gamle venstrebekken Mike Pejic.
VENSTREBEKK: – Eg set stor pris på dei norske supporterane, sa den gamle venstrebekken Mike Pejic.
LANGVEGSFRÅ: Øyen-familien reiste heilt frå hovudstaden, for å vera med på jubileumet til Stoke-supporterklubben.
LANGVEGSFRÅ: Øyen-familien reiste heilt frå hovudstaden, for å vera med på jubileumet til Stoke-supporterklubben.

Siste saker Gå til framsida