JUBLA: «Fotballmamma» Eli Sandvik kunne jubla for siger til mannen, Børge Pedersen, sitt lag. I bakgrunnen sit sonen sitt lag, som nettopp tapte sin fyrste av to kampar for dagen.
JUBLA: «Fotballmamma» Eli Sandvik kunne jubla for siger til mannen, Børge Pedersen, sitt lag. I bakgrunnen sit sonen sitt lag, som nettopp tapte sin fyrste av to kampar for dagen.

– Eg er her som fotballmamma

Dag to av fotballcupen baud på god steming, både på banen og på tribunen.
Publisert 30.06.2018 kl. 19.31. Oppdatert kl. 19.55.

Laurdag baud på strålande sol, ferdigspelte grupper og helgas fyrste premieutdeling på fotballcupen på Reiso.

Kring 40 kampar vart spelt, og både spelarar og publikum kosa seg.


Fotballmamma

På tribuna ved grasbanen sit Eli Sandvik. Ho prøvar å halda kontrollen på fleire lag.

– Sonen min spelar på «Go’ nok», dottera mi på «I siste liten» og mannen min på «Rosenknopp», fortel ho.

– Eg får ikkje med meg alt. Dei viser diverre ikkje reprisar.

«Tysnes» treff Eli medan mannen, Børge Pedersen, er i aksjon for «Rosenknapp» mot «Feige lag». Eli kunne til slutt jubla for 3-0 til dei rosakledde.


Catering, Bed & Breakfast og moralsk støtte

Sjølv om mannen fekk med seg eit godt resultat frå fyrste kamp, gjekk det tyngre med «Go’ nok» og «I siste liten» laurdag formiddag. Sistnemnte tapte for «Lårhønene», medan sonen til Eli, Sjurd Sandvik Pedersen, og han sitt lag «Go’ nok», tapte knepent 2-3 for «Galanten Jr».

Sjurd har samla ein gjeng med kameratar, mange frå nordsida av Bjørnafjorden, til dyst på Reiso denne helga.

Lagleiar hos «Galanten Jr», Jørgen Austvik, følte seg ovenpå etter sigeren mot «Go’ nok».

– Dei burde kanskje kalla seg «Grei nok», sa han med eit glimt i auget..

Sjurd trudde derimot dei skulle møte betre motstand i «Galanten Jr».

– Dei er mykje eldre enn oss. Me trudde dei skulle slå oss med større margin, fortel han, som leiar eit lag med snittalder på kun 16-17 år.

Etter eit tap er det godt å ha moralsk støtte på tribunen.

– Eg synast dei gjorde ein kjempejobb. I andre omgang var dei best, fortel mor Eli, som har teorien klar på kvifor det vart tap for den unge gjengen.

– Dei er van til å sova lengje. Det er nok litt tidleg å spela kamp klokka halv ti.

Den andre kampen for dagen, og siste totalt for «Go’ nok», enda også i tap, denne gong for «Superlaget». Då var det i det minste ein trøyst i å ha ein fotballmamma som stiller opp.

– Heile laget bur heime hos oss denne helga, fortel Eli, som har stilt hus og heim til disposisjon.

– Eg er litt til stades her, og litt heime og lager til mat til resten, fortel ho.

Eli har sjølv spelt i cupen tidlegare, men har no eit anna fokus.

– No står eg for catering og bed & breakfast, seiar ho smilande.

LES OGSÅ: På husmorferie for å spela fotballcup på Tysnes


Kosa seg i finvêret

– Me bur rett ved banen, så då må me jo ned å sjå på, seier Iris Sørbotten.

Både ho og sambuaren Jostein Mehammer har vore med som spelarar tidlegare. Laurdag kosa dei seg på sidelina.

– Laget eg har spelt på tidlegare, kunne ikkje stilla i år, fortel Iris.

Ho treivst vel så godt som tilskodar laurdag.

– Eg er glad eg slepp å spela i denne varmen.

Jostein har lag, men ikkje ein kropp som spelte på lag i år.

– Eg er skada og diverre ikkje med, fortel Jostein. Han er normalt ein del av det populære Noldus-laget.

Dei hadde kanskje trengt Jostein på banen. Uten han i troppen, enda det poenglaust etter gruppespelet.

– Det er slik det plar å vera, sa lagleiar Terje Vevatne etter at alle dagens kamper var ferdigspelt.

LES OGSÅ: – Cupen er noko me pratar om heile året


Fyrste finale

I klassen for «Stivbeinte menn», også kjent som oldboys-klassen, var det berre to påmelde lag. Dei fekk dermed stilla i klassen over, klassen for «Sårbeinte menn».

Likevel skulle det delast ut eit trofé i oldboys-klassen. Dei to laga som automatisk var klar for finalen var «Rosenknopp» og «FC Galanten».

– Det er nok ein snittalder kring 50 år i denne finalen, sa Ronny Hagen før kampstart.

Han utpeika sitt lag, «Rosenknopp», som «underdogs», noko han fekk rett i. «FC Galanten» vann kontrollert 4-0.

«Rosenknopp» stilte med mellom anna Ronny Hagen, Nils Eivind Hansen og Børge Pedersen, men sjølv med spelarar som totalt har godt over 1.000 kampar for Njardar sitt a-lag, var «FC Galanten» eit betre lag laurdag.

– Dei har mange som har spelt på eit høgt nivå, sa Nils Eivind Hansen etter kampen.


Gamal helt

Ein av motspelarane med høgt nivå i bagasjen er Cato Guntveit. I 2007 vann han eliteserien med Brann, men ville ikkje diskutera om dagens finalesiger smakte betre enn tidlegare bragder.

– Det er vanskeleg å samanlikne sigrar. Det var i alle fall ein topp-tre prestasjon i Tysnes-cupsamanheng, fortel Guntveit med eit smil. Han er med for tredje året på rad på cupen på Reiso.

Det har gjeve han eit finaletap og to finalesigrer, alle mot dagens motstandar «Rosenknopp».

Sjølv som oldboys-spelar er han tydeleg på at vinnarinnstinktet framleis er til stades.

– Det er aldri lov å tapa fotballkampar, seier han til brei enighet blant lagkameratane.

Resultata frå dagens kampar, og oppsettet for sluttspelet i morgon, ligg på Njardar sine heimesider.






DEPPA: Stemninga var midt på treet hos «Go’ nok» som nettopp har tapt knepent for «Galanten Jr». Nede frå venstre: Sebastian Kartveit, Benjamin Solheim, Sjurd Sandvik Pedersen og Lars Fosse. Oppe frå venstre: Remi Teigland Gundersen, Daniel Bråten, Knut Jørgen Nesland og Kristoffer Rojas.
DEPPA: Stemninga var midt på treet hos «Go’ nok» som nettopp har tapt knepent for «Galanten Jr». Nede frå venstre: Sebastian Kartveit, Benjamin Solheim, Sjurd Sandvik Pedersen og Lars Fosse. Oppe frå venstre: Remi Teigland Gundersen, Daniel Bråten, Knut Jørgen Nesland og Kristoffer Rojas.
STUDERTE NESTE MOTSTANDER: «Galanten Jr» kjempa i toppen i si gruppe. Her speidar Marius Teigland og Jørgen Austvik på neste motstandar, «Superlaget». Sistnemnte er ute med skade og stilla som lagleiar. – I staden for dress, stillar eg i sykkelklede, seier Austvik.
STUDERTE NESTE MOTSTANDER: «Galanten Jr» kjempa i toppen i si gruppe. Her speidar Marius Teigland og Jørgen Austvik på neste motstandar, «Superlaget». Sistnemnte er ute med skade og stilla som lagleiar. – I staden for dress, stillar eg i sykkelklede, seier Austvik.
KOSA SEG PÅ SIDELINA: Jostein Mehammer og Iris Sørbotten fekk ikkje spelt sjølv i år, men kosa seg på sidelina i penvêret.
KOSA SEG PÅ SIDELINA: Jostein Mehammer og Iris Sørbotten fekk ikkje spelt sjølv i år, men kosa seg på sidelina i penvêret.
REDNING: «Rosenknopp» sin keeper opna finalen mot «FC Galanten» med ein god redning.
REDNING: «Rosenknopp» sin keeper opna finalen mot «FC Galanten» med ein god redning.
LAGBILETE: Stemninga var god i «FC Galanten» etter sigeren mot «Rosenknopp».
LAGBILETE: Stemninga var god i «FC Galanten» etter sigeren mot «Rosenknopp».
GULLJUBEL: «FC Galanten» kunne feira sigeren i klasse 3 for «Stivbeinte menn».
GULLJUBEL: «FC Galanten» kunne feira sigeren i klasse 3 for «Stivbeinte menn».
VISTE GAMLE KUNSTER: Cato Guntveit viste at han framleis kunne spela fotball.
VISTE GAMLE KUNSTER: Cato Guntveit viste at han framleis kunne spela fotball.
SCORA: «Klovner i kamp» kunne jubla for mål mot «Hashtags» i kvinneklassa. I morgon ventar «Frittgåande Mus» i semifinalen.
SCORA: «Klovner i kamp» kunne jubla for mål mot «Hashtags» i kvinneklassa. I morgon ventar «Frittgåande Mus» i semifinalen.
TØFFE TAK: «Noldus IL» kjempa godt, men fekk lite å jubla for. Her mot «Pylseboden» som vann kampen 3-0.
TØFFE TAK: «Noldus IL» kjempa godt, men fekk lite å jubla for. Her mot «Pylseboden» som vann kampen 3-0.
FAMILIEKOS: Robert Siglevik, som spelte for «Beerfest», var på Reiso med sambuaren Yvonne Flatråker, mor Aud-Sylvi Siglevik og sonen Nickolas Siglevik. Dottera Adele ville heller stå i kiosken enn å sjå på kamp.
FAMILIEKOS: Robert Siglevik, som spelte for «Beerfest», var på Reiso med sambuaren Yvonne Flatråker, mor Aud-Sylvi Siglevik og sonen Nickolas Siglevik. Dottera Adele ville heller stå i kiosken enn å sjå på kamp.

Siste saker Gå til framsida

Har studert tilstanden til den store eika i Våge

«Festivalkontoret» i Våge skal utvidast. Derfor trong Fonna AS meir info om den gamle eika ved kontoret.– Eg kom med ei anbefaling om å finna ut litt om vitaliteten og helsetilstanden til treet, og gjerne òg finna ut risikoane med treet, seier arborist Kristoffer Nerhus, dagleg leiar i Hardanger Hagehjelp.Han kom i kontakt med Sigvard Madsen i Fonna AS, som følge av...

Tommy stod på og lukkast

Endeleg, etter fire års innsats av fleire gode krefter, og ikkje minst Tommy Gundersen (24) sjølv, har han fått lærlingeplass og er nærast sikra jobb i framtida.