PÅ IDRETTSDAG: F.v. Grethe Taranger, hunden Cera, barneborna Julie, Caroline og Anikken Taranger Gjesdal, og dottera Grethe Taranger hamna tilfeldig på idrettsdagen på Reksteren, noko dei synest var kjekt heile gjengen.
PÅ IDRETTSDAG: F.v. Grethe Taranger, hunden Cera, barneborna Julie, Caroline og Anikken Taranger Gjesdal, og dottera Grethe Taranger hamna tilfeldig på idrettsdagen på Reksteren, noko dei synest var kjekt heile gjengen.

Tre generasjonar på idrettsdag

Måndag vart den tradisjonsrike idrettsdagen på Reksteren arrangert.
Publisert 10.07.2018 kl. 18.00.

– Eg trur det er 26. gongen, reknar leiar i Reksteren Idrettslag, Marit Nancy Allard Gjøvåg.

Ho forklarer at det heile starta som eit avslutningsarrangement for idrettsskulen, og at det då vart arrangert om våren. Sidan har det vore arrangert nær kvart år, med nokre unntak.

– Det har vore nokre gonger me ikkje har klart å halda idrettsdagen, som då me bygde huset, seier ho medan ho peiker bort på idretts- og kulturhuset.


Tilfeldig

Vel 20 personar møtte klare til fritidsaktivitetar og sosialt samvær denne gongen, og medan nokre hadde vore med mange gonger tidlegare, var andre der for fyrste gong.

– Det var berre tilfeldig at me fekk med oss idrettsdagen idag, smiler Anne Taranger.

Ho sit og tek ein pause i sola med mora Grethe og hunden Cera. Borna Julie (6), Caroline (8), og Anniken (10) Taranger Gjesdal er også med.

Dei fortel at dei skulle på butikken, og møtte Marit Nancy Allard Gjøvåg medan dei var der. Dei fekk så sitja på med ho til idrettsdagen.

– Mamma er alltid flink til å kasta seg rundt og vera med, skryter Anne, og smiler bort på mora.

Borna ser ut til å vera nøgd med å få delta.

– Det er gøy å vera her. Oppvarminga i gymsalen var ekstra kjekk, smiler Caroline, før ho spring vidare for å delta på 60-meteren.


Til Tysnes i båt

Familien bur på Nesøya utanfor Oslo, men Grethe har hytte i Hopsund. Kvart år brukar dei tid på feriestaden.

– Etter sommaren flytter me til Singapore, så denne ferien er ekstra spesiell, smiler Anne.

Grethe legg til at nokre av dei kom med båt frå Nesøya til Tysnes. Fire dagar tok ferda i motorbåten, og tidvis var det store bølger.

– Me hadde med oss Caroline. Eg synest ho var tøff som ville vera med, seier Grethe.

– Eg synest det berre var moro, stråler Caroline.

Dei fortel at dei alle gler seg til at Tysnesfest skal starta. Der skal dei få med seg barneløp og konsert på Solstråleøya, og Anniken drøymer om konsert med Alan Walker.


Alltid kjekt

Etter at både liten og stor hadde sprunge 60-meteren, hoppa i lengdegropa og kasta kule, vart arrangementet avslutta med vaflar og saft. På ein benk i sola tok tidlegare leiar i idrettslaget på reksteren, Ole Christian Kjerrgård, og sonen Thomas, ein velfortjent pause etter god innsats på grusbana.

– Idrettsdagen er like kjekk kvart år, nikkar Ole Christian bestemt.





I SVEVET: Linn Frøkedal i eit luftig svev under lengdehopp, som var ein av aktivitetane under idrettsdagen.
I SVEVET: Linn Frøkedal i eit luftig svev under lengdehopp, som var ein av aktivitetane under idrettsdagen.
FULL FART: Anikken Taranger Gjesdal og Victoria Epland sprang om kapp under 60-meteren, medan Caroline Taranger Gjesdal heia dei fram mot målstreken.
FULL FART: Anikken Taranger Gjesdal og Victoria Epland sprang om kapp under 60-meteren, medan Caroline Taranger Gjesdal heia dei fram mot målstreken.
HOPPA LENGST: Thomas Frøkedal Kjerrgård hadde dagens lengste hopp, med omlag fire og ein halv meter.
HOPPA LENGST: Thomas Frøkedal Kjerrgård hadde dagens lengste hopp, med omlag fire og ein halv meter.
NOTERTE RESULTAT: Arvid Berntsen heldt kontroll på resultata.
NOTERTE RESULTAT: Arvid Berntsen heldt kontroll på resultata.
ERFAREN: Marit Nancy Allard Gjøvåg er eit kjend fjes på idrettsdagen på Reksteren. Her prøver ho seg på kulestøt, ein av aktivitetane under arrangementet.
ERFAREN: Marit Nancy Allard Gjøvåg er eit kjend fjes på idrettsdagen på Reksteren. Her prøver ho seg på kulestøt, ein av aktivitetane under arrangementet.
SIKTA MOT TRETOPPANE: Victoria Epland fylgjer rådet frå veteranane for å få ballen lengst mogeleg.
SIKTA MOT TRETOPPANE: Victoria Epland fylgjer rådet frå veteranane for å få ballen lengst mogeleg.
HUNDEN MED: Hunden Cera fekk og vera med på idrettsdagen. Her på ein liten luftetur på grusplassen saman med Caroline Taranger Gjesdal.
HUNDEN MED: Hunden Cera fekk og vera med på idrettsdagen. Her på ein liten luftetur på grusplassen saman med Caroline Taranger Gjesdal.

Siste saker Gå til framsida

Klar visjon for nye Tysnes skule

101 millionar for eit nytt skulebygg kan verka dyrt, men Kåre Martin Kleppe (H) og Anne Merete Fjeldstad (Ap) er tydelege på at det er ei investering i framtida.