BRANN: Sjåføren får skryt av brannsjef Torfinn Kongsvik, etter at han handla raskt då det byrja å brenna. (Illustrasjonsfoto: Ingunn Gjærde)
BRANN: Sjåføren får skryt av brannsjef Torfinn Kongsvik, etter at han handla raskt då det byrja å brenna. (Illustrasjonsfoto: Ingunn Gjærde)

Branntilløp i lastebil etter unnamanøver i tunnel

Tysdag føremiddag tok ein lastebil borti taket på ein tunnel ved Bårdsundvegen.
Publisert 10.07.2018 kl. 12.15. Oppdatert kl. 12.17.

Lastebilen fekk ei rift i taket, og det byrja å ulma i isoleringa.

Sjåføren heldt roa, og klarte å køyra lastebilen ut av tunnelen.

Både brannvesen og politi rykka ut til hendinga. Lastebilen trefte taket i tunnelen som ligg like ved Bårdsundet.


Sløkte sjølv

– Sjåføren hadde gjort ein god jobb med å sløkka med pulver, seier brannsjef i Tysnes Torfinn Kongsvik.

Brannvesenet opplyser på Twitter at dei var på staden i ti-tida, og at situasjonen då var under kontroll.

– Det var framleis litt ulming, og me dynka med vatn då me kom fram, seier Kongsvik.

På staden er det tørr skog nær vegen, og brannvesenet var obs på at brannen kunne spreia seg til terrenget.


Bør melda seg

– Ut frå dei opplysningane me har no, ser det ut som lastebilen har måtta gjort ein unnamanøver frå ein bil som kom imot, fortel Aleksander Søyland, politibetjent ved Tysnes lensmannskontor.

Tunnelen snevrar inn på toppen, og det er der lastebilen skal ha treft taket.

– Bilisten har ikkje meldt seg førebels. Sjåføren kan godt melda seg til lensmannskontoret viss han les om saka i Bladet Tysnes, kommenterer Søyland.

Lastebilen var mogleg å køyra etter branntilløpet.


Siste saker Gå til framsida

Ny singel frå Symra

– Me skal sleppa ein låt som heiter «Purple Sweater». Det er den nyaste av dei låtane me har spelt inn så langt, seier Øyvind Kleppe i Symra.

Leiar: Hurra for 65 meter nytt asfaltdekke

Tysnes har ikkje vore tilgodesett med så veldig mykje nytt asfaltdekke på dei fylkeskommunale vegane dei siste åra. Då Statens vegvesen tidlegare i år presenterte landsoversikta over planlagde nyasfalteringar i 2018, var det ikkje ein einaste klatt på Tysnes. I 2017 var det heller ikkje rare greiene, ein kilometer til saman. Og ser me attende til 2016, var Tysnes tilgodesett med fire...