KLARE: Tora Austvik (12), Mathilde Caldwell Nødland (13), Michelle Loftskjær (14) og Brita Austvik (14) var ved godt mot før løpet. Mathilde enda opp på ein tredjeplass, i ungdomsklasse jenter. (Foto: Vetle Mikkelsen)
KLARE: Tora Austvik (12), Mathilde Caldwell Nødland (13), Michelle Loftskjær (14) og Brita Austvik (14) var ved godt mot før løpet. Mathilde enda opp på ein tredjeplass, i ungdomsklasse jenter. (Foto: Vetle Mikkelsen)

No kan ungdommane konkurrera mot kvarandre

Onsdag blei Ramnanuten Opp arrangert for fjerde gong. Nytt av i år er ein eigen konkurranseklasse for dei under 16.
Publisert 11.07.2018 kl. 19.48. Oppdatert kl. 20.30.

– Det blir iallfall betre enn å måtta springa mot Pernilla og dei.

Dette svarer Mathilde Caldwell Nødland (13), på spørsmål om kva ho meiner om den nye konkurranseklassen for ungdom.

Tidlegare har nemleg ungdommane måtta springa med dei vaksne, dersom dei har ønskt å konkurrera.

– Eg har sprunge to gongar før, i vaksenklassen, seier Brita Austvik (14).


Spente før løpet

– Det går sikkert greitt, men blir nok slitsamt. Me har jo sprunge opp Ramnanuten før, med skulen, seier Michelle Loftskjær (14).

– Men det blir jo noko litt anna å springa herfrå, då, skyt Tora Austvik (12) inn.

Alle fire er spente før løpet, men dei er einige i at det sikkert kjem til å gå greitt, spesielt sidan dei no har sin eigen konkurranseklasse.

– Det blir på ein måte meir likt og rettferdig, seier Michelle.


Bergensar går for gull

– Me er veldig ofte på Tysnes, seier Fredrik Andreassen (12).

Han og broren Kristoffer Andreassen (14) kjem frå Bergen, men har hytte på Tysnes.

Gutane er vane med å springa, ettersom dei begge trenar fotball, og sprang i fjor i vaksenklassen.

– Det blir nok tungt. Kristoffer satsar veldig på pallplass. Eg kjem nok berre til å sjå korleis det går, seier Fredrik.

Og kva er Kristoffer sin strategi for å få pallplassering?

– Eg kjem til å springa litt roleg i starten, og så springa fortare og fortare lenger opp i fjellet, seier den unge bergensaren.


Resultat ungdomsklasse gutar

Etter løpet fekk «Tysnes» resultata frå Svingen Puls. Resultata i ungdomsklasse gutar er som følgjer:

1. Johannes Dalland, med tida 18,18

2. Kristoffer Andreassen, med tida 21,26

3. Fredrik Andreassen, med tida 21,30


Resultat ungdomsklasse jenter

I ungdomsklasse jenter, var resultata følgjande:

1. Julia Dyrset, med tida 24,29

2. Ingrid Aamoth, med tida 24,49

3. Mathilde Caldwell Nødland, med tida 25,45


BRØR: Bergensarane Kristoffer (14) og Fredrik (12) Andreassen kom på andre og tredje plassering i ungdomsklasse gutar. (Foto: Vetle Mikkelsen)
BRØR: Bergensarane Kristoffer (14) og Fredrik (12) Andreassen kom på andre og tredje plassering i ungdomsklasse gutar. (Foto: Vetle Mikkelsen)
FRÅSPARK: Då dei vart gitt klarsignal, låg deltakarane på sprang. Sjølv om ungdommane i år berre konkurrerte mot kvarandre, starta dei med dei vaksne. (Foto: Vetle Mikkelsen)
FRÅSPARK: Då dei vart gitt klarsignal, låg deltakarane på sprang. Sjølv om ungdommane i år berre konkurrerte mot kvarandre, starta dei med dei vaksne. (Foto: Vetle Mikkelsen)
OPP: Spreke ungdommar sprang raskt oppover i fjellsida. (Foto: Ingunn Gjærde)
OPP: Spreke ungdommar sprang raskt oppover i fjellsida. (Foto: Ingunn Gjærde)

Siste saker Gå til framsida

Leiar: Hurra for 65 meter nytt asfaltdekke

Tysnes har ikkje vore tilgodesett med så veldig mykje nytt asfaltdekke på dei fylkeskommunale vegane dei siste åra. Då Statens vegvesen tidlegare i år presenterte landsoversikta over planlagde nyasfalteringar i 2018, var det ikkje ein einaste klatt på Tysnes. I 2017 var det heller ikkje rare greiene, ein kilometer til saman. Og ser me attende til 2016, var Tysnes tilgodesett med fire...