FULL FART: Borna var meir enn klare til å byrja løpet då klarsignalet vart gitt.
FULL FART: Borna var meir enn klare til å byrja løpet då klarsignalet vart gitt.

– Klar, ferdig, gå!

Borna skaut fart over startstreken idet startskotet for årets barneløp gjekk av.
Publisert 11.07.2018 kl. 19.39.

– Eg er ganske tørr i halsen, smiler Sjur Pettersen Opdal.

Han er akkurat komen i mål etter løpet. Som fyrstemann over mållina kunne åtteåringen frå Tysnes fortelja at han sprang heile vegen, utan stopp.

Løypa var den same som ifjor, og gjekk frå Essoen til kyrkja, og attende. Til forskjell frå i fjor, skein sola denne gongen, og borna fekk ein varm springetur.


Gav alt på slutten

Før løpet haldt Sara Elisabet Stue oppvarming med alle utanforbi SvingenPuls sine lokale. Til songen «Elektrisk» vart det både lett jogging, tøy og bøy for å unngå noko springe-skadar blant dei unge deltakarane.

– Eg deltok på oppvarminga, fortel Sjur, som synest løpet gjekk bra.

Han deltok også i fjor, og kan røpa at han betra plasseringa si frå 4. plass til 1. plass. Dette til trass for at han byrja blant dei siste.

– Taktikken var å gi alt eg hadde mot slutten av løpet, seier han nøgd.


Feira med is

Ei anna som var nøgd med å delta på barneløpet, var Erle Gaugstad Birkeland.

– Det var slitsamt å løpa, men kjekt.

Ho feira at ho vart fyrste jente i mål, med ein saftis i sola etter løpet.

– Det var godt å kjøla seg ned med ein is, smiler ho.

I det varme vêret freista det nok med saftis, og alle som deltok på barneløpet fekk nettopp det. Dei fekk og medalje for innsatsen.


FYRST I MÅL: Sjur Pettersen Opdal sprang heile vegen, og kom fyrst i mål.
FYRST I MÅL: Sjur Pettersen Opdal sprang heile vegen, og kom fyrst i mål.
FEIRA MED IS: Erle Gaugstad Birkeland synest det var godt å kjøla seg ned med saftis. Ho vart fyrste jenta som kryssa mållina under årets barneløp.
FEIRA MED IS: Erle Gaugstad Birkeland synest det var godt å kjøla seg ned med saftis. Ho vart fyrste jenta som kryssa mållina under årets barneløp.

Siste saker Gå til framsida

Leiar: Hurra for 65 meter nytt asfaltdekke

Tysnes har ikkje vore tilgodesett med så veldig mykje nytt asfaltdekke på dei fylkeskommunale vegane dei siste åra. Då Statens vegvesen tidlegare i år presenterte landsoversikta over planlagde nyasfalteringar i 2018, var det ikkje ein einaste klatt på Tysnes. I 2017 var det heller ikkje rare greiene, ein kilometer til saman. Og ser me attende til 2016, var Tysnes tilgodesett med fire...