MYKJE ARBEID: Heldigvis skjedde brotet på ein kvardag, då det var mogleg å få rask hjelp. (Foto: Arne Leite)
MYKJE ARBEID: Heldigvis skjedde brotet på ein kvardag, då det var mogleg å få rask hjelp. (Foto: Arne Leite)

Brotet på hovudvassleidninga i Våge: Leite er optimistisk

Onsdag føremiddag oppfordra Arne Leite, leiar i Tysnes vassverk, folk til å spara på vatnet.
Publisert 11.07.2018 kl. 10.53. Oppdatert kl. 19.24.

– I augneblinken produserer me ikkje vatn, sa Leite i ti-tida.

Brotet skjedde mellom renseanlegget og Vågstjødno, på hovudleidninga.

Alt vatn som blir produsert går gjennom denne leidninga. – Situasjonen er litt kritisk akkurat no, uttalte Leite.

Klokka 16 kunne han opplysa om at feilen var lokalisert, nye delar var på plass, og ein heldt på med å skrua saman leidninga igjen.

– Me håpar leidninga er ferdig reparert innan klokka 20, og at me kan vera tilbake i produksjon i kveld. sa han.


Må rydda skog

Viss alt då er i orden, er ein tilbake til sparing og vatningsforbodet, som blei iverksett førre veke.

– Brune plenar er eit statussymbol, uttalte Leite.

– Det er viktig at me held på den sparinga som har vore, i alle fall gjennom Tysnesfest, seier Leite onsdag.

Han er optimistisk i forhold til framdrifta, slik at ein unngår stor vassmangel under Tysnesfest.

For å koma til staden der brotet på leidninga hadde skjedd, måtte ein saga nokre tre, og rydda plass til gravemaskin.

Like over klokka ti onsdag føremiddag, hadde ein ikkje gravd opp leidninga enno.

– Me er i full gang med entreprenør, og folk som ryddar, kommenterte han.

Oppfordringa var klar: spar på vatnet, sa leiaren i Tysnes vassverk.


Det er vatn i kranen

Tidspunktet kunne kanskje ikkje passa dårlegare for eit brot på hovudvassleidninga i Våge. Med første dag av Tysnesfest i emning, blir det mange som skal nytta seg av vassressursane i Tysnesbygdo i dagane framover.

– Me har vatn i høgdebassenget til 1-2 dagar bruk, sa Leite.

Denne onsdagen såg han viktigheita av å ha eit stort og godt basseng med vatn. Heldigvis skjedde brotet på ein kvardag, og Tysnes Vassverk hadde mange folk i sving for å få reparert brotet.


Siste saker Gå til framsida

Debatt: Om onklar og tanter

På framsida av førre «Tysnes» stod det «Einaste onkel i barnehagen». Den uttalen må eg berre kommentera – sjølv om det i overskrifta på sjølve artikkelen stod «Einaste mann i Stjernereiso». Det er kjekt å vera tante! Eg er tante til fem og grandtante til tolv, men eg er IKKJE tante til nokon i barnehagen, sjølv om eg stadig var innom der og jobba i mitt yrkesaktive liv.Det er det...