BÅTGJENGEN: Kristoffer Gjerstad (f.v på det innfelte biletet), John Antonio Kleppe, Daniel Bjoarvik og Mathias Bakke brukar mykje tid på sjøen. (Begge foto: Camilla Korsnes)
BÅTGJENGEN: Kristoffer Gjerstad (f.v på det innfelte biletet), John Antonio Kleppe, Daniel Bjoarvik og Mathias Bakke brukar mykje tid på sjøen. (Begge foto: Camilla Korsnes)

«Gøy på vannet»

Det er populært for unggutane på Tysnes å svi av litervis med bensin for å tilfredstilla fartslysta på sjøen.
Publisert 11.07.2018 kl. 06.00.

Så å seia kvar dag etter skule-tid i finvêret og i sommar-ferien kan du sjå minst fire-fem småbåtar fresa rundt på sjøen i nærleiken av Våge. Det er ein kameratgjeng i 14-årsalderen som då er ute og opplever fartsglede.

– Det er gøy, seier Kristoffer Gjerstad.

– Så har me noko å gjera på fritida, kjem det frå John Antonio Kleppe.

– Me tek omsyn og provoserer ingen, hevdar Daniel Bjoarvik.

– Me starta med dette i fjor sommar, legg Mathias Bakke til.


Dyrt

Gutane fortel at dei svir gjerne av ein heil bensintank på eit par dagar.

– Det kan på det meste kosta rundt 300 kroner dagen, seier ein av dei.

– Men har de som er 13-14 år råd til det?

– Mamma og pappa betalar, kjem det frå alle medan dei smiler lurt.

– Ein dag gjekk dei andre tomme for bensin utpå. Då måtte eg til lands og få tak i bensin, seier Mathias.


Større båtar

Desse gutane må bli 16 år før dei kan ha lov til å køyra båtar med motor over 10 hk. Båtane dei har no er det i all hovudsak foreldra som har betalt.

– Me kjem jo til å satsa på større båtar med sterkare motorar seinare. Dette er livet både vår, sommar og haust, kjem det frå dei ivrige båtførarane.

– Men er de alltid åleine i båten?

– Nei, slett ikkje. Ser du dei jentene inne på land der? Dei er veldig lette å lokka med utpå, seier kameratane nærast i kor.


Siste saker Gå til framsida

Leiar: Hurra for 65 meter nytt asfaltdekke

Tysnes har ikkje vore tilgodesett med så veldig mykje nytt asfaltdekke på dei fylkeskommunale vegane dei siste åra. Då Statens vegvesen tidlegare i år presenterte landsoversikta over planlagde nyasfalteringar i 2018, var det ikkje ein einaste klatt på Tysnes. I 2017 var det heller ikkje rare greiene, ein kilometer til saman. Og ser me attende til 2016, var Tysnes tilgodesett med fire...