Tok sjansen i hamna

I alt sette åtte farkostar utfor rampa i «Ta Sjansen» laurdag.
Publisert 14.07.2018 kl. 16.04.

– Eg har vore i Holmenkollen under «Ta Sjansen» tidlegare, og det var aldri så fint som her, skrytte konfransier Tande P over høgtalaranlegget, til applaus frå alle dei frammøtte.


Blitt tradisjon

Arrangementet, som har blitt ein tradisjon under Tysnesfest, synte seg nok ein gong populært. Det fylte heile hamneområdet med nyfikne festivalfolk i alle aldrar. I år fekk dei gleda av å heia åtte farkostar ned rampa og ut i vatnet. For deltakarane var det så om å gjera å koma seg snarast fram til ei bøyle med ei bjelle i, og ringe i denne. Dette klarte alle som deltok, med meir eller mindre hell.


Soleklår siger

Den raskaste, og som dermed stakk av med sigeren, var Lunde Båtbyggeri, med Yngve Vevatne som førar, og Vidar Storesætre som co-pilot. På berre 8,71 sekundar hadde dei kome ned tårnet, ut i vatnet og heilt fram til bøyla. Idet Yngve tok dei siste symjetaka og greip bjølla, var det til stor applaus frå tydeleg imponerte tilskodarar.

– Det var heilt nydeleg. Eg har prøvd meg på ta sjansen to gonger tidlegare og no gjekk det endeleg, fortalte Vevatne etter at alle deltakarane hadde sett utfor rampa.

• Les meir om «Ta Sjansen» i papirutgåva på torsdag.


3.PLASS: Sondre Eikeland i farkosten "Joker Uggdal" hamna på 3. plass.
3.PLASS: Sondre Eikeland i farkosten "Joker Uggdal" hamna på 3. plass.

Siste saker Gå til framsida

– Eg trudde eg skulle spy

Sterke kjensler har vore i sving på Tysnes skule i dag. Der har nemleg elevane i 10. klasse hatt sin aller siste eksamen på grunnskulenivå.