TEIKNEGLAD JENTE: Tilde Skarstein Dalland (10) syner fram brosjyren ho har laga om Tysnes.
TEIKNEGLAD JENTE: Tilde Skarstein Dalland (10) syner fram brosjyren ho har laga om Tysnes.

Laga brosjyre om Tysnes

– Eg har valt å ta med noko av det eg har opplevd, og likar aller best med Tysnes, smiler Tilde Skarstein Dalland (10).
Publisert 16.07.2018 kl. 06.00.

Den teikneglade jenta frå Bergen er på vitjing hjå besteforeldra på Dalland. Med seg har ho ein brosjyre ho har laga heilt på eiga hand.

– Det var ei oppgåve eg fekk på skulen før sommarferien, der me skule laga ein brosjyre om Bergen, og ein om ein annan stad. Sidan besteforeldra mine bur på Tysnes, valte eg Tysnes, fortel ho.

Ho syner gladeleg fram resultatet, der ein mellom anna kan lesa om Tysnesfest. Tilde gler seg til festivalen startar.

– Eg gler meg ekstra mykje til tivoliet, fortel ho.


Dra til Tysnes

I brosjyren kan ein og lesa om bolle-basaren på Jensvoll.

– Det er ein basar der ein får bollar, forklarer Tilde. Ho seier og at det er den basaren ho har vore med på, der ho har vunne flest gevinstar.

– Eg har og vore med på basar i Lunde, seier ho glad.

Sida i brosjyren Tilde er aller mest nøgd med, er sida om rundkøyringa. Det er tydeleg at ho er fasinert av at ein kan ha berre ei einaste rundkøyring på heile øya.

«Det er bare en rundkjøring på hele Tysnes. Det gjør den på en måte litt spesiell. Den er gøy å kjøre i, pluss at den er veldig fin» står det brosjyren.

Vidare kjem ei oppmoding om å vitja Tysnes:

«Visst du drar til Tysnes får du kjøre i den fine og lille rundkjøringen. Dra dit.»


God tid til leik

På golvet heime hjå besteforeldra ligg teikneark og fargeblyantar. Det vitnar om at ei teikneglad jente er på vitjing.

– Eg likar svært godt å teikna, og teiknar alt mogeleg, forklarer Tilde.

På veggen heng det tett i tett med teikningar ho har laga til besteforeldra.

Ho fortel at det ikkje er så ofte at ho er på Tysnes, då ho er travelt oppteken i Bergen, der ho spelar både handball og fotball.

– Men det er svært kjekt når eg er her, smiler ho.

Då vert det god tid til både teikning, leiking i leikehytta i hagen, og å spela spel.


FAVORITT: Tilde fortel at sida ho sjølv vart mest nøgd med, er sida om rundkøyringa.
FAVORITT: Tilde fortel at sida ho sjølv vart mest nøgd med, er sida om rundkøyringa.
FESTIVAL, SJØLIV OG TYSNES-HESTAR: Tilde oppmodar i brosjyren til å vera med på Tysnesfest, dra på båttur og sjå på dei fine hestane som er på øya.
FESTIVAL, SJØLIV OG TYSNES-HESTAR: Tilde oppmodar i brosjyren til å vera med på Tysnesfest, dra på båttur og sjå på dei fine hestane som er på øya.

Siste saker Gå til framsida

Debatt: El-bilar og betaling på innanriksferjer

Til å byrja med, var el-bilar fritekne for betaling på riks- og fylkesvegferjer. Ein løyste då berre billett for føraren av bilen. Dette vart det ei endring på i 2016/2017.Då vart det vedteke at el-bilar skulle betala for seg på lik linje med andre bilistar. Men dei skulle berre betala 50 prosent av vanleg biltakst. Og då var føraren inkludert i prisen. Men dei som brukte...

Leiar: Markerte Tysnes med nytt EM-gull

Det er stas når tysnesingar markerer seg utanfor kommunen, ja, til og med i utlandet. Ekstra stas er det når det er unge tysnesingar som set Tysnes på kartet.I sist veke kom styrkeløftar Anna Dorthea Espevik heim til Tysnes med ein ny gullmedalje. Denne gongen var det eit EM-gull. Europameisterskapen vart...