IDYLL: Den nye stranda ligg fint til. (Foto: Camilla Korsnes)
IDYLL: Den nye stranda ligg fint til. (Foto: Camilla Korsnes)

Ny badestrand i Lunde

For ikkje lenge sidan, dukka det opp ei ny badestrand i Lunde. Stranda blei sett i stand av ein lokal velgjerar, som helst ikkje vil nemnast i avisa.
Publisert 17.07.2018 kl. 06.00.

– Det er blitt veldig bra. Det er veldig kjekt at han har ordna stranda, seier Mailinn Helland Hagen i Lundegrend Idrettslag.

Vidare meiner ho at den nye badestranda vil vera ein fordel for bygda, både om sommaren og vinteren. Om sommaren vil den ifølgje Hagen kunna nyttast for sosiale samlingar, sombading og liknande. Om vinteren vil stranda i tillegg gjera det enklare for folk å komma til, i tilfelle Fiskavatnet frys over og det blir mogleg å gå på skøyter der.

– Og så ser det mykje finare ut, då. I tillegg blir det meir synleg. Det er lettare å samla seg i ein sosial setting, når det er så lett for heile bygda å komma til, seier Hagen.

Idrettslaget skal i tillegg oppbevara to kanoar ved stranda.

Til sist seier Hagen at ho trur stranda vil bli brukt mykje, og at ho allereie har sett den bli brukt ein del.


Siste saker Gå til framsida