UNØDVENDIG: Ein tysnesturist sette lite pris på flagget som var plassert ved campingvognene. (Foto: tipsar)
UNØDVENDIG: Ein tysnesturist sette lite pris på flagget som var plassert ved campingvognene. (Foto: tipsar)

Følte seg provosert av sørstatsflagg

– Eg føler meg ikkje spesielt velkomen viss eg skal bu på ein campingplass med dette flagget oppe, seier ein tysnesturist til lokalavisa.
Publisert 18.07.2018 kl. 14.50. Oppdatert 19.07.2018 kl. 08.18.

Torsdag fanga han dette biletet frå Tysnesfest-campen i Uggdal, der han såg eit sørstatsflagg ved eit av telta.

– For meg representerer sørstatsflagget rasisme, slaveri og feilslåtte idéar om kvitt overherredøme, seier han.Fredag kom kontrameldinga då han passerte campen på nytt.

– Eg registrerer med glede at sørstatsflagget no er bytt ut med eitt som liknar eit Tysnesfest-flagg. Tysnesfest-flagget representerer musikk, glede og glade folk. Campingplassen virkar meir open og velkomen for alle no, uansett hudfarge, seier ein nøgd turist.

Han legg til at folk gjerne må ha sørstatsflagg hengjande oppe i private omgjevnader. På offentlege plassar synest han det er heilt unødvendig og provoserande for mange.


Siste saker Gå til framsida