PÅ HEIMEBANE: Symra fekk æra av å opna konsertkvelden på Gjerstad torsdag sist veke. (Foto: Ingunn Gjærde)
PÅ HEIMEBANE: Symra fekk æra av å opna konsertkvelden på Gjerstad torsdag sist veke. (Foto: Ingunn Gjærde)

Kronerulling for Symra

Treng økonomisk hjelp for å koma i mål med album.
Publisert 19.07.2018 kl. 12.00. Oppdatert kl. 12.12.

Bandet Symra, som har to medlemmer frå Tysnes og som spelte på Gjerstad under Tysnesfest, held no på med innspeling av eit album.

– Me har til no spelt inn seks låtar. Planen er å ha ti-elleve låtar på albumet, skriv bandet på facebooksida si.

Dei har fått støtte frå fleire lokale sponsorar, og har også brukt av sin eigen private økonomi, men er likevel berre halvvegs i prosessen. No har bandet difor sett i gang ei kronerulling, i håp om å koma i mål med prosjektet. Kva sum folk ønskjer å hjelpa med, er heilt valfritt.

– Me set stor pris på kvar enkelt krone me får, melder Symra.


Siste saker Gå til framsida

Leiar: Markerte Tysnes med nytt EM-gull

Det er stas når tysnesingar markerer seg utanfor kommunen, ja, til og med i utlandet. Ekstra stas er det når det er unge tysnesingar som set Tysnes på kartet.I sist veke kom styrkeløftar Anna Dorthea Espevik heim til Tysnes med ein ny gullmedalje. Denne gongen var det eit EM-gull. Europameisterskapen vart...

Markerer TV-aksjonen med fredagskafé

Tysnes skule gjentek suksessen frå i fjor og markerer også i år TV-aksjonen med fredagskafé fredag føremiddag. I fjor var det tett i tett med folk og trangt om plassen i den gamle gymsalen på skulen. I år vert arrangementet flytta til Tysneshallen. – Der blir det kafé og underhaldning for alle som ynskjer å koma, melder inspektør Synnøve Vines til avisa.