FØLGJER MED: Resultatet frå promillekontrollane er oppløftande. Her frå då Kystvakta hadde kontroll i Våge hamn under Tysnesfest i fjor. (Arkivfoto: Ingunn Gjærde)
FØLGJER MED: Resultatet frå promillekontrollane er oppløftande. Her frå då Kystvakta hadde kontroll i Våge hamn under Tysnesfest i fjor. (Arkivfoto: Ingunn Gjærde)

Kontrollerte 99 prosent av alle båtar til og frå Våge

Kystvakta og politibåten gjennomførte promillekontroll av nær alle båtar på kveldstid under Tysnesfest.
Publisert 21.07.2018 kl. 20.00. Oppdatert 22.07.2018 kl. 13.28.

– 78 båtar blei kontrollerte, og det var null reaksjonar på promille, fortel Lorentz Lunde, politikontakt på Tysnes.

Av alle båtar som gjekk til og frå Våge om kvelden, blei 99 prosent kontrollerte. Nokre båtar fekk påpakningar for manglande lanterne og redningsvest, men Lunde er strålande fornøgd etter å ha motteke rapporten frå kveldsarbeidet.

– Dei er kjempefornøgde med resultatet, og det er eg og, seier politikontakten.


Tullbukkane er borte

Noko av årsaka til at ingen blei tekne med promille, meiner han er grepa Tysnesfest har gjort i Våge hamn.

– Ein er kvitt tullbukkane som berre kom for å festa i hamna. Dei som no kjem er seriøse folk, som har interesse av å vera på festivalen, seier Lunde.

I fjor bestemte festivalleiinga at båtplassane i Våge berre skulle vera for dei som kjøper festivalpass eller konsertbillettar.

Bømlo Røde Kors hjelpekorps var innleigde som hamnepatrulje, og bidrog med å stua båtar og ta betaling. Dei var også klare til å gi assistanse til sanitetspersonell og naudetatane.


Flott for omdømmet

Det har vore mange synlege vakter i hamna. Folk visste at både kystvakta og politibåten låg på sjøen.

Til og med då folk gjekk frå hamna på søndag, blei ein del båtar stansa. Her var det ingen kritikkverdige forhold.

– Resultatet er veldig bra, og flott for Tysnesfest sitt omdømme, seier Lunde.

Les også om då «Tysnes» var med politi og kystvakt på nattevakt og promillekontroll under Tysnesfest i fjor.


Siste saker Gå til framsida

Leiar: Markerte Tysnes med nytt EM-gull

Det er stas når tysnesingar markerer seg utanfor kommunen, ja, til og med i utlandet. Ekstra stas er det når det er unge tysnesingar som set Tysnes på kartet.I sist veke kom styrkeløftar Anna Dorthea Espevik heim til Tysnes med ein ny gullmedalje. Denne gongen var det eit EM-gull. Europameisterskapen vart...

Markerer TV-aksjonen med fredagskafé

Tysnes skule gjentek suksessen frå i fjor og markerer også i år TV-aksjonen med fredagskafé fredag føremiddag. I fjor var det tett i tett med folk og trangt om plassen i den gamle gymsalen på skulen. I år vert arrangementet flytta til Tysneshallen. – Der blir det kafé og underhaldning for alle som ynskjer å koma, melder inspektør Synnøve Vines til avisa.