ØVEKØYRING: På fritida stiller Helge Hauge opp som køyrelærar for lokale flyktningar. Dette set blant anna Tesfamichael Libsay pris på. (Foto: Vetle Mikkelsen)
ØVEKØYRING: På fritida stiller Helge Hauge opp som køyrelærar for lokale flyktningar. Dette set blant anna Tesfamichael Libsay pris på. (Foto: Vetle Mikkelsen)

Hjelper flyktningar med øvekøyring

Tesfamichael Libsay er ein av fleire flyktningar i kommunen som får hjelp med øvekøyringa. Hjelpa betyr mykje for han.
Publisert 05.08.2018 kl. 06.00.

– Eg byrja å køyra med trafikkskule i mars, og kjøpte bilen i juni, seier Tesfamichel Libsay.

– Det var då eg byrja å øvekøyra med han, legg Helge Hauge til.

Libsay er flyktning frå Eritrea, og har budd på Tysnes i rundt tre år. Her bur han saman med kona si, og dei tre borna deira.


Lang pendling til trafikkskulen

– Eg går på trafikkskule på Stord, men det er langt unna. Nokre gongar inviterer eg folk, for eksempel Helge, til å køyra med meg, fortel Libsay.

Hauge har blant anna vore leksehjelp, og slik blei han kjent med Libsay og familien hans.

– Han har hjelpt mykje, seier Libsay.

Av andre tysnesingar han har køyrt med, nemner han blant anna Rolf Simonsen, Per Verner Aase og Jan Vaage.


Viktig tiltak

– Det er mykje vanskelegare å bu på Tysnes utan sertifikat, meiner Libsay.

Det er det nok mange som kan skriva under på, med tanke på det avgrensa talet på bussavgangar i kommunen.

Og korleis har responsen på tilbodet vore blant flyktningane så langt?

– Eg får tilbakemeldingar på at dei synest det er viktig. Mange av dei har jo vore på køyreskule og lært ein del, men eg prøver å koma med kommentarar og innspel til køyringa likevel, seier Hauge.


Håper å få lappen snart

Hauge skryter av køyringa til Libsay, som sjølv legg til at han har merka betringar etter han byrja å køyra med Hauge.

– Eg håper at eg har sertifikatet innan rundt to månadar, avsluttar Libsay.


Siste saker Gå til framsida

Vegstenging - Myrdal

Vegen til Myrdal vert stengt fredag 22. mars mellom klokka 0800 og 15.00 på grunn av vegarbeid. Gjeld for for privatbilar på strekkja ovanfor Hagen. Brann og ambulanse får passera.